قزح 107

البارت الثاني والثلاثون

[البارت الثاني والثلاثون]

#قزح_107

بقلمي: زهراء السلامي

لتنسون التصويت + التعليق بين الفقرات + متابعة لحسابي 🤍.

‏ليش تحچيهن اذا تِندم عليهن
هنه ذَن اليوجعنك !
ياهو غَيرك حاسّ بيهن؟

❥__________ ❥

-شلونچ

-إيڤ: شتسوي هنا؟

-منتظر: شلون استقبال محمس ههه

-لا ماقصد بس مستغربه وجودك

-ظل بالي يمچ اختفيتي فد مرة

-إيڤ: منين اختفي؟

-ما تروحين لبيت استاذ بهنام وعلى الانستا هم ما تنشرين

-انتَ صاحب الحساب الي يراسلني!!

-اي

حچاهه خجلان وحك شعره، باوعتله اتذكر صورة البروفايل واربطهه ويه شكله بس ما لاحظت ولا اجه ببالي، رجعت للواقع مجرد ما سمعت صوت بره تذكرت قوس..

-إيڤ: شكراً لزيارتك تكدر تروح

-هاي طردة بنزاكة

-إيڤ: مو هيج بس ابن عمتي هنا وماريد مشاكل الله يخليك

-منتظر: ابن عمتج قوس الله؟

-ماعندي غيره، شكراً لوقتك استاذ

هز براسه مبتسم وطلع من الغرفة، عدلت گعدتي وشلت شعري بهذلني طولان وما طايقته..

-إيڤ

-إيڤ: يا الله

-منتظر: هههه اسف وعلي ما اقصد اخرعج بس ردت اطلب منج طلب

-إيڤ: شنو هو

باوع للممر وفر بعيونه المكان بعدهه كال مستعجل..

-بعدين بعدين انتبهي لصحتج

طلع بسرعه واني حطيت ايدي على گلبي انظم دقاته، لو جاي قوس الله وشايفه عندي فوراً يألف قصه براسه ويسويلي هوسة..

رجع بعد دقيقتين بيده بطل مي ونميات، حطهن بصف راسي وكعد على السرير بجانبي، فتحلي بطل المي وقدمه ناحيتي..

-شربي بنيتي

اخذته من عنده شربت وعيوني عليه چان گاعد بس ما مرتاح، بقى يتلفت بالغرفة بعدهه گام طلع باوع من الباب ورجع عليه..

-قوس الله: دخل هنا احد غيري؟

-إيڤ: ليش؟

-قوس الله: ريحة عطر..

تقدم عليه اكثر يشم بيه وبملابسي دفعته متوتره من تصرفاته..

-هاي شبيك قوس الله

-قوس الله: عطر.. عطر رجالي؟

-منين اجه اكيد عطرك انتَ تسبح بالعطر