[البارت السابع والعشرون]
#قزح_107
بقلمي: زهراء السلامي
لتنسون التصويت + التعليق بين الفقرات + متابعة لحسابي 🤍.
من يا صوت أصيحك
والصدى يجاريك
واگلك مگدرت يالتگدر بلياي 💚
عريان السيد خلف
❥__________ ❥
"حسين"
تخزيت وعلي تخزيت يالحسين امي ما تكعد راحة تفتر على المعازيم وترزل بيهن..
-يمة عليج داحي الباب كعدي
-ام حسين: ادبسز سرسري انتَ مكيف ارعن مو بيدك
-حسين: ما مكيف شكو اكيف شعندي قابل اني
-ام حسين: ماعرفت اربيك عدل والله لوما حجية سيماء فلا اكعد هنا
-حسين: امشي نطلع واشتريلج نفر كباب كعدي بباب صحن الكاظم واكلي وشربي لبن واجيبلج خضره وتونسي يمه احسن من هالمكان
-ام حسين: اي بعلي ذنوب على الفاضي بس هم فشلة اطلع
-ابتهال: يمة انتبهتي على بناتهم شكد حلوات
-ام حسين: ليكول اجانب حتى سوالفهم شوف هاي المعزاية شكد حلوة
-ابتهال: هاي جوان تصير اخو هذاك المزورك
-ام حسين: شبي هذا منو كاتله
-حسين: عوفج منه معلينه احنه يوم يله نطلع
-ام حسين: اوكف ولك خليني افتهم عود اذا ناخذ منهم ينطونه؟
-حسين: هلووو منين تاخذين يمة تخبلتي انتِ!!
-ام حسين: ادبسز مسرسر منو هاي تخبلت
-حسين: حشاج بس ما يصير ناخذ منهم
-ام حسين: ليش يمة شو عجبتني هاي المستهتره اخذهه الك ونلبسهه عبايه ونخليهه تسلم چا وحد عن بنياتنه
-حسين: وما تاخذين غير جوااان
-ام حسين: بس لا ما عاجبتك يالازرگ يالأسيود
-حسين: طاح حظي اذا ما تعجبني بس مايصير ما ينطون اني اعرفهم
-ابتهال: يعني عاجبتك البنيه؟
-حسين: ماعرفهه ولا حاچي وياهه ولا اريد احچي ما اريد اتزوج
-ام حسين: ظل نوح على البربـ*** العافتك وتزوجت
-ابتهال: حسوني ختولي ذيج والله متستاهلك
-حسين: وهو ياهو يفكر بيهه بس ماريد اتزوج ولا تحاولون
-ابتهال: وهسة عجبتنه جوان شلون نخليهه تروح من ادينه
-ام حسين: اي والله لو عندي وليد ثاني اخطبهه اله
-حسين: الثقه العدكم مفوله
-ابتهال: وشبينه مينطونه ليش متكبرين
