#قزح_107 .... بارت٤٥
بقلمي: زهراء السلامي
لتنسون التصويت + التعليق بين الفقرات + متابعة لحسابي 🤍.
مابية حيل ارفع جفن ذبلان وجهي من حزن
والدمع من كد ما نزل ماخلة لون برمشي
محتار بأحلامي البقن شو ماردن يتحققن
مثل اليشوف ابنة البجر كبران بس مايمشي 💔❥__________ ❥
-تردين الگهوة چكليتيه لو عاديه بعد روحي؟
-أي شي من ايدددددك حلوووو حبيبيييي
-چا ليش تصيحين؟
-خااااااف متسمعنييييييي
-والكاظم اسمع شبيچ زرفتي اذني
-سحر: ههههه ولج كافي سودنتي
-لُباب: الله خالة شكد حلو لو الزلم يخدمونه واحنه نكعد ونسكت مرتاحات
-سحر: ذيب ما مقصر لبوة
گرصتني بعد حچايتهه وغمزت، ضحكت من كل گلبي وصحت بصوت عالي هو بالمطبخ ديسويلنه گهوة..
-اوووووي داغررر ليش تأخرت الگهوووة تره الغي طلبييي
-اجيت اجيت انعل ابوه لابو الجابه اليسويلج كهوة بعد
-لُباب: عود صدك تحجي؟
-داغر: لا اتشاقه
-هم عبالي
ضحك وكعد بصفي اجتنه رياحين كعدت بيناتنه وصارت تلح تريد تروح لنجوم وداغر معاند ميقبل..
-ذيب خليهه تروح بس هالمرة
-ما تروح لُباب سودنتهه
همس كلمة "سودنتهه" بأذني ضحكت واني اتذكر اي والله نجوم خبلتهه من تطبلهه لحدما تطلع منهه هنه بس يركصن..
-سحر: يله يمة لا تكسر بخاطر بنيتك
-رياحين: اي بابا لا تكسو بخاطو بنيتك
-داغر: اويلي منچ ام لسان
-لُباب: يله داغر
سحر: يله ذيب امك يله-لُباب: داغر كافي مصختهه
-داغر: خو انتِ لازم تبعريهه بالنهاية
-رياحين: باباتي أووح؟
-داغر: روحي بابا بس راح اسألهه اذا وكحتي بعد فلا اخليج ترحين
-رياحين: بس فدولي الاجوب (الاجرب) ماويده
-داغر: شنو؟؟!!
-لُباب: شنووووو
-سحر: شكالت؟؟؟؟
-رياحين: هااا
-داغر: شگلتي على اخوج رياحين؟
برطمت وركضت للغرفة خجلانه من حچايتهه هاي اول مرة تحجي عليه بهالطريقه..
-داغر: منين متعلمه هالكلمات؟
![](https://img.wattpad.com/cover/358367575-288-k772536.jpg)