قزح 107

البارت الخامس عشر

[البارت الخامس عشر]

#قزح_107

بقلمي: زهراء السلامي 🤍

طبگت بارتين 💙 + لتنسون التصويت + التعليق بين الفقرات + متابعة لحسابي 🤍.

‏في مكان عميق داخل عظامي، بدأ القلق يشيّد مدينته.❗️

❥__________ ❥

نزلت مهرولة اشوف شصاير مجرد وصلت باب المطبخ صحت..

-قوس الله!!!

-سويلنه مجال إيڤ يا الله.. يا الله

-ادخل ادخل احمد شصاير؟؟؟

عبروا باب المطبخ واحمد ساند قوس الله عليه يسحله سحل وقوس شبه فاقد عطت بصوت عالي حتى تجي بيبي تساعده اجت وشافته بهالحال وبهالشكل صارت تلطم..

-سيماء: وليدي ولك شبييي شصايررر

-احمد: خالة بس عاونوني

ماعرف شلون احمد جاب قوس واصلاً ماعرف شلون رفعه، تمشى بي وقوس ذاب روحه لحد غرفة بيبي، اجت جوان صدفة وشافت الحال ظلت متسمرة بمكانهه، احمد نيّم قوس على بطنه ونزعه قميصه وكلنه شهگنه من شفنه ظهره مظبر..

-سيماء: شنو هاااااي

-احمد: تصاوب بظهره بعاموده الفقري

-سيماء: سودة بوجهي عمت عيني

-احمد: خاله اكو زلمة واكف بالباب هو طبيب عسكري صيحي بلا امر عليج يجي يشوف حالته

-إيڤ: ناخذه بالمستشفى شنسوي بهذا؟؟

-احمد: هاي جيتنه من المستشفى صارله يومين هناك، جوان جيبيلي كلينكس

راحن بيبي وجوان كلمن تسوي الطلبه احمد، شويه واجه رجال منعرفه حسب مفتهمت هو هذا الطبيب الچان يشرف على قوس الله..

تعاونو عليه وگلبو على صفحته اليمنه وصوت قوس الله يزرف گلبي من الأنين، فحصه وصار يحجي بالانكليزي ويه احمد واحمد يهز براسه ويجاوبه بكلمات متقطعه..

-سيماء: شجاي تحجون سولفولنه!!

-احمد: خاله يحتاج راحة ولا احد يسولف وياه

-جوان: وضعه خطر؟ مكان الطلقة هم تأثر عليه؟

-احمد: حالياً كلشي مانعرف ينراد وقت

-الدكتور: يحتاج راحة وهدوء لا تكثرون بالأسألة وانتبهو ما ينگلب على ظهره احمد انتَ انتبه زين واذا محتاج مساعده اتصل بيه او بقطرس، الحمد لله على سلامته

-الله يسلمك دكتور

-سيماء: قطرس؟؟ شمعنه قطرس وينه قطرس؟؟

-احمد: قصة طويله بعدين نسولف هسة خلوه يرتاح ونطلع بره

طلعنه كلنه من الغرفة وعيوننا متمركزه على احمد الملتحي وشعره طويل، شكله چان غير بس زايده جاذبية..