قزح 107

البارت الرابع عشر

[البارت الرابع عشر]

#قزح_107

بقلمي: زهراء السلامي 🤍

لتنسون التصويت + التعليق بين الفقرات + متابعة لحسابي 🤍.

قد أنسى ماقالوه لي يوماً لكني لن أنسى ماجعلوني أشعر به!

❥__________ ❥

-ديما: قوس الله دخيلك

تفاجأت من منظرهه ومن اسلوبهه، بقى قوس على گعدته وتسائل بحيرة..

-شصاير؟

-ديما: اهلي.. اخوية، ابويه يردون.. يردون...

تحجي وتشهك والدم يجري من عينهه، رفعهه قوس الله من رجليه ووگفهه گباله شو هاي چيتت عليه حضنته من رقبته وتبچي..

تسمر بمكانه بدون لا ينطي ردة فعل، دقيقة مرت وطلعت بيبي للحديقة وتفاجأت من المنظر..

-سيماء: يالعذراء احمينه شصاير

اشرلهه قوس الله بيده "ماعرف" وديما ابتعدت عنه ومسحت عيونهه اختلط الدم ويه دموعهه وكالت بصوت يرجف مليان الم..

-قوس الله لتخليهم يسوون بيه هيج الله يخليك

-قوس الله: شيسوون غير افتهم

-سيماء: ولج دومة شبيچ وينهه امج؟؟

-ديما: يردون يزوجوني غصب

تبادلت النظرات ويه كارولين مستغربه من الوضع يعني ديما مكتوله لان اهلهه يردون يزوجوهه غصب؟

-سيماء: ليش يردون يزوجوچ غصب؟

-ديما: لرجال ماعرفه ولا يعرفني اني ماريده ماحبه مزوجيني علمود فلوسه الله يخليك قوس بداعة امك ساعدني

-سيماء: شيسويلج قوس الله يعني

-إيڤ: شلون نكدر نساعدج؟

مسحت دموعهه وتعلكت عينهه بقوس الواكف وساكت، عدلت شعرهه وكأنهه منتظرة منه يكول شي..

-قوس الله: امشي جوه هسة ارتاحي وبعدين سولفي

دخلناهه جوة وبيبي ويانه وكارولين، قوس الله شويه واجه بعدما هدأت وانطيناهه مي..

-ديما: قوس اني نخيتك لتردني

-قوس الله: شسوي فهميني

-ديما: تتزوجني

توسعت عيوني مصدومة وبيبي شهكت وضربت صدرهه بقوة، انتفضت من مكانهه وعاطت..

-انتِ تخبلتي!!!!

-ديما: خاله شسوي لعد راح يزوجوني لواحد ماحبه شوفي شسووا بحالي بس لان عاندت وماقبلت اطلع حتى يشوفني

-كارولين: خو قوس الله هم متحبي

نزلت راسهه ومسحت دمعتهه، بيبي هزتهه وصاحت..