قزح 107

البارت الواحد والخمسون

#قزح_107.......#بارت٥١

بقلمي: زهراء السلامي

لتنسون التصويت + التعليق بين الفقرات + متابعة لحسابي 🤍.

تسويلچ سلف والسلف كله شيوخ.. ♥️

❥__________ ❥

-اريد نكتب قصتنه

استمر يشتغل على الحاسبة ممنطيني اهمية، كررت الجملة مرة ثانيه وهو على وضعه..
-هففف شبيككك

-ها حبي

-مو دا احجي وياك

-اي وياچ اني

-مجاوبت
-على شنو؟
-لا واضح ويايه قوس اريد نكتب قصتنه
-تكتبين قصتنه شنو

-يعني هيجي نكتبهه والمتابعين يقروهه ويتفاعلون بيهه ويحسون بمعاناتنه وتعبنه وكلشي

-هههههههههه

-شبيك
-شو ضحكتني مال معاناتنه وتعبنه
-هسه شكلت
-ولج بابا قصتنه شنو بيهه ونكتبهه

-كلشي بيهه كلشي

-بس تعاسة

-معليك اريد نكتبهه
-وشلون راح تكتبيهه تعرفين تكتبين؟
-لا زهراء تكتبهه
-هااا وهذا السبب چنتي تتواصلين وياهه

-اي اي
-وين تكتبيهه؟
-على الواتباد

-شنو تابتاب

-واتباد مو تابتاب

-اي شنو هذا
-برنامج يكتبون بي قصص، تتذكر من مرة سألتني عليه هاي البنيه الي معلقتلك بحسابك القديم "عمو ارجع للواتباد"؟

-اي تذكرت
-هو هناك يكتبون قصص هواي هسه شكلت؟

-وهيج تشهرين بينه بابا؟

-لا لا مو هيج
-شلون لعد
-قوس وافق حباب بنفسي نكتبهه
-منو يريد يقره هيج قصة لخاطر طليان النبي يعقوب

-اوك خلص
رجعت اگلب بالقنوات وهو يتأفأف متضجور، كل شويه يرفع راسه يباوعلي ويرجع يشتغل على الحاسبه دا احس بحركاته كلهه ومغلسه..

-إيڤ
-نعم
-لا تزعلين عليه

-مازعل
-اني بس اخاف عليج بنيتي
-من شنو
-واذا احد ضوجچ بشي تره ما اضمن روحي!!

-قوس ومنو يضوجني وشلون راح يضوجوني حباب لتكسر بخاطري

-اول شي احبج اني

-ادري
-ثاني شي اموت عليج
-اي
-ثالث شي اتنفسچ وهايم بيج

-اي اي اي
-رابع شي كتبيهه ميخالف

طفرت من مكاني وصرت اعيط فرحانه وهو صافن عليه ويفر بيده، انطط منا ومنا واخيراً كعدت بصفه وكلت بصوت مليان حماس..

-شكرررراً
-العفو
-قوس الله راح تقراهه؟

-اعيد قراءة حياتنه التعيسه؟