#قزح_107....#بارت٥٧
بقلمي: زهراء السلامي
لتنسون التصويت + التعليق بين الفقرات + متابعة لحسابي 🤍.
جنت أباوعلك اِذا ذكَرو وطن مابي أمان . ♥️
❥__________ ❥
-كلش تعبانه كله من وراك
ذب نفس يائس واستمر يمرغ رجليه، مسحت دمعتي من الم قلبي من دخلت بنص شهر السادس لليوم اعاني من الم مزمن بقلبي الطفل يصعد ويقطع عني النفس ابقى اجاهد اللقط الهوا..
-قوس الله
-ها
-انتَ صاير متحبني
-انييي؟؟ ليش؟؟
-ما كلت ها گلبي ولا ها شمسي ولا ها ملاكي كلت بس "ها" صاير متحبني
-إيڤ تخيلت راح تخلص هرموناتج وانتِ بشهر السادس
-فوكاهه تكول هرمونات؟؟؟؟
-لا يروحي انتِ حبيبتي وگلبي وحياتي وكل خلية بجسمي اموت عليج اذا ماحبج المن احب...
قطع كلامه من اجاه اتصال، عكد حاجبه وفوراً كام طلع من الغرفة تبعته بنظراتي وهو يطلع بره..
اخذتلي صفنه افكر ويامن ديحجي؟ وليش طلع؟ كمت اروح وراه وبطني كدامي شكبرهه ولابسة دشداشة عريضه مبهذلتني، سرعت خطواتي من سمعت صوت طبگة باب السطح شنو طلع للسطح يحجي!!!
شديسوي؟؟ ليش؟؟ وليش بالسطح؟؟ ويامن يحجي معقوله يخوني؟؟ هاي تاليتهه قوس؟
لزكت اذني بالباب اتسمع بس صوته ناااصي كلشي مافهمت بس لگفت حچاية من كال.. "ماكدر احجي هسة"..
-ليشششش متكدر تحجي ولككك تخونييي!!!
رجعت للغرفة منهارة گلبي يدگ ونفسي تلعب ماشوف شي كدامي فتحت كنتوري وطلعت ملابسي ظليت افتر على جنطة ما لكيت جريت چيس اسود وصرت اعبي ملابسي ابچي وادردم..
-تخوني ابو شعر الدوود اني الك خنشوف منو تلفيك وتحبك بعد اني صوچي ثقيت بيك انوب تكللهه متكدر تحجي موو.. الله ياخذك تفف على گلبي!! هو اني كلت ادگ روحي بالنعال اذا حبيتك قصرت ما سويتهه!
اشيل واحط بالچيس، گمت ابچي اكثر من انشگ جزء من عنده ماهتميت ولميت شعري ولكيت تكة نعالي وتكة نعاله لبست تكوك واخذت چوالاتي اريد اطلع..
-هاي شنو؟
-هااا شرفت امشي روحلهااا
-منو
-الچنت تحجي وياهه وخرر قوس الله ماريدككك لو يصبوك ذهببب ما ابقى يمك يا خايننن
-ها
-مو تلحگني والله اگلب الدنيا عليك فهمتتتت
-ماشي
-شنو
-طفي الضوة وراج بابا اريد انام
-تنام!!!
-راسي يوجعني كلش
-وتنام؟؟؟؟
-تصبحين على خير
نزع قميصه شمره بالكاع ونام! تخبلت هاي تاليهه هيج يعوفني زعلانه!
اخذت الچيس وطلعت من الغرفة ابچي وروحي تفور اكيد هاي الغضب مغيرته عليه عامية عيونه ومخليته يحبهه وتركني.. والله مارجعلك لو تموت اخليك تبچي دم اني الك..
گوة نزلت الدرج اناحط بالعلاگة، بطني چبيرة وبصعوبة امشي ونعال قوس چبير برجلي اليسرة ونعالي باليمنه ودشداشتي عريضه تخبخب وشعري منفوش ووجهي يخرع من الدموع..
وصلت للحديقة كعدت انتظر الفرج اني شلون اروح وحدي والوقت عبر 1:30 بالليل؟ اني اعلمك قزح كله من وراك ابو النسوان..
لا ميهمني راح اطلع وشيصير خلي يصير اخذ السايق اخلي يوديني لبيت ابويه ما ابقى هنا وانذل.. وصلت لباب الحوش وسمعت صوت كلاب الحراسة تنبح متت من الخوف لا الوضع ميطمن بله واحد منهن عضني لو عض بطني ووصل لابني وصارله شي..
سديت الباب بهدوء ورجعت اكعد على الكراسي بالحديقة، مسحت دموعي وكعدت انتظر الصبح غصباً عليه هو ياخذني اول ميكعد..
حكيت خدي انوب حكيت ايدي انوب رجلي شنو هاي ليش دا احك، رفعت راسي على الضوه بالحديقه واذا اشوف البگ تارس الدنيا عزه تگرصت هو اني ناقصني!!
شلت غراضي ودخلت البيت تأكدت الكل نايم قبل لا افوت ومشيت على اطراف اصابيعي ورحت للاستقبال حتى محد يشوفني، طلعت من چيسي نستله وكعدت اكل وابچي..
