قزح 107

البارت الثالث والاربعون

[البارت الثالث والاربعون]

#قزح_107

بقلمي: زهراء السلامي

لتنسون التصويت + التعليق بين الفقرات + متابعة لحسابي 🤍.

ما باچيلك انه الهسه مصدوم
سوده بوجهك اعله اخر ليلة.. 💔

❥__________ ❥

-اني حامل..

-اي يروحي حامل الحمد لله يارب الحمد لله

-حامل..؟ اني حامل من قوس الله.. حامل!

ماكدرت استوعب تفكيري وگف عيوني شخصت بالفضاء حاولت أشرح الموضوع لروحي بس فشلت والفشل ذريع..

ضحك، صوت الطرب، ترجيف اصبعتين، طبة على الستيرن، هوسة، فوضى يمكن السيارة دتهتز؟ اي دا احس بيهه شديصير؟..

-يا فرحة گلبيي والله ما مصدك شمسيي شايله ابني ببطنهه بعد شنو اريددد

-راح اتقيء

-شنوووو

-راح اتقيء..

-ماسمع ماسمعععع

يضحك مثل المجانين ويعلي بصوت الاغاني، نزلت عيني اباوع لاصابع ايدي متحولات للون الازرق خاليات من الدم..

-قوس الله: انتظريني هنا

سفط عند محل حلويات وقفل الابواب وراه حطيت ايدي على حلگي امنع نفسي من الترجيع وافكر بشغلات اخرى الهي روحي بس بشنو الهي روحي؟ اني حامل من قزح!!!

رجع شايل بيده بوكس بي كيكة حطه بحضني واخذ ايدي بين ايده..

-اني اسعد انسان على الكرة الارضيه حالياً

-الله ياخذك

-ميخالف ميخالف هرمونات

اخذني للبيت صارت سوزان بوجهنه تسائلت وين چنه ما جاوبت صعدت لغرفتي وگبل على الفراش نمت وغطيت وجهي حطيت ايدي على گلبي وجاهدت اركز واستوعب وهم فشلت..

-نايمة الحب

-قوس اطلع بره ما طايقتك

-تعالي اكلي كيكة الاحتفال

-احتفال على خيبتك!!

-لا على خبر حملچ بشرفچ مو احلى خبر هذا راح تصيرين ام

مجرد تخيلت السالفه عيوني جرت دموع، اختنكت جوه اللحاف اجه بصفي جر الغطه عن وجهي ومسح دموعي بأيده، دفرته وانطيته راشدي قوي وعطت..

-يا زبااالة

-مو كأن الهرمونات زايده

-الله ياخذك عيعع وخر عني لتلمسني

حصر ايدي بحركة مفاجئة وقيدني عن الحركة، جمدت واني بهالوضع گعد ورايه وهمس بأذني..

-صيري حبابه ملاكي