قزح 107

البارت السادس والثلاثون

#قزح_107

بقلمي: زهراء السلامي

ان شاء الله نرجع للتفاعل اليرفع الراس عمري؟ واعتذر عن الانقاطع 🥹♥️

#يااعز چتال ♥️....

❥__________ ❥

-مات؟!

-سيماء: اي الصبح

-إيڤ: عمة اخلاص وينهه؟

-سيماء: هاي كدامي تنوح وتبچي تعالي يمة لبيتنه لا تظلين هناك وحدج

-إيڤ: تمام

سديت الخط منهه مبهوته سلطان كلش تعب بآخر فترة وموته متوقع بس ليش هسة انصدمت مادري..

بدلت ملابسي وطلعت ويه السايق دخلت لبيت جدي واسمع اصوات الصريخ والنعي والعياط يكزبر الجلد..

تعديت المطبخ ودخلت الصالة اباوعلهم كلهم وجوه جديدة افتهمت ذولة اهل ابوه لقوس الله.. عماته معزايات وشاگات الدشداشه ونافشات شعورهن ويصرخن..

-يبوووووو عمتتتت عينيييي

-سيماء: الله يصبركم عيوني

-اخلاص: ولج يمة وينه هذا وينةةة قوووووووس وينككككك

-إيڤ: وينه؟

-كارولين: ديبدل حتى ياخذهه للمستشفى تشوفه

-اخلاص: ولك قووووس الله يلللةةةةة

نزل قوس من الدرج يمشي برهاوة ولازم بديات ثنين بيده تقدم على امه وكللهه..

-يوم اللبس ابو التمساح لو الساده؟

-اخلاص: ولكم يبوووووو

-سيماء: اللبس أي شي ولك

تحجي وياه وتعض بشفتهه وتأشرله يروح، وگف بمكانه وحط ايده جوه ذقنه وكال..

-اكو مشكله بشفايفج سمسم؟ تحتاجين مرطب شفايف ابو الصبار؟

صاحت وحده من عماته..

-هذاااا خلفتك سلطااان هذا وريثك عمت عيني عليكك

-قوس الله: والله الي يسمعج يجرچ بزيج خاف اني وريث السلطان سليمان واني مادري

-العمة: اوف اوف

-قوس الله: شلون تجمع يشرح الصدر شعجب ما طلبتو تزورنه ناشينول جيوگرافك

-اخلاص: شيسوون جايين ولكك

-قوس الله: تجمع اندر حياية الكوبرا

-العمة: يبوووووو على حظك سلطااان

-قوس الله: قزرقط شبيچ انچلبتي

كعد بالواجهة ولا يمه الموضوع جبل ميهزه ريح معقوله لسه بحالة صدمة؟

كعد يصنف على عماته وهنه يبچن ويلطمن على رجليهن فر بيده وگال..