Ako'y muling susugod sa ulan
Na walang pagaalinlangan
Kung ito ba'y may wakas o hangganan
O kung ako ba'y muling masasaktan
Mga mata'y aking imumulat
Isasantabi ang takot sa kidlat
O kung ano pa mang kapahamakan
Na pwedeng dala ng ulan
Sa panahong ito,
Malakas na ang loob ko
Handa na ako
Sa desisyon kong ito
Ako'y muling susugod sa ulan
Isasantabi ang mga katanungan
Sa panahong ito, ika'y kasama ko
Kaya panatag ang pusong ito
Bawat oras ay aking susulitin
Ika'y buong pusong mamahalin
Sa ulan ay sabay tayong magtatampisaw
Kasabay ng ating kaligayahang umaapaw
Nagdadasal na sana'y wala ng katapusan
Ang ulan na ating pinagsasaluhan
Sana'y wala na itong hangganan
Sana walang dulong masulyapan
Sasabay sa agos ng ulan
Tatanggapin kung merong katapusan
Ngunit umaasang hindi ang ating pagmamahalan
Na ito'y mananatili kahit mawala man ang ulan
BINABASA MO ANG
Spoken Poetry (Tagalog)
PoetryTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
