(NAKITA MO NA BA? PART 2)
Muli kong itatanong sayo
Patawad kung paulit ulit ito
Pero nakita mo na ba?
Kasi ako, nakita ko na
Hinintay ko ang sagot mo
Hinintay ko na makita mo ako
Yung pagmamahal na inalay sayo
Yung mga bagay na handang isakripisyo
Hinintay kita
Ganyan kasi kita kamahal, sobra na nga yata
Pero ako, minahal mo rin ba?
Sa tingin ko, hindi naman talaga
Noong panahong kasama kita
Naging masaya ako ng sobra
Kahit sayo, pangkaraniwan lamang ang ganoon
Balewala lang naman sayo ang lahat ng iyon
Siguro hindi mo parin talaga nakikita
Pero kasi, ngayon ay nakita ko na
Nakakatawa kasi naunahan pa kita
Wala eh, masyado ka kasing nakatuon sa iba
Yung di mo makita noon
Nakita ko na ngayon
Yung halaga ko, na nais ipakita sayo
Ngayon ay nakita ko, sa panahong wala ka sa tabi ko
Nakita ko na
Posible din pala akong maging masaya
Posible palang mahanap rin ito sa iba
Akala ko kasi noon hindi na
Nakita ko na
Sayo'y nagmumukang tanga lang pala
Mahalaga lang ako kapag malungkot ka
Kakausapin lang ako pag wala ng iba
Nakita ko na
Ang daan para makawala
Malapit ko ng maabot
Ang pagmamahal na iyong ipinagdamot
Pero kahit nakita ko na
Tila bakit ako'y nagdadalawang isip pa
Gusto parin kitang hintayin
Baka kasi onti nalang, iyo ding mapansin
Nakita ko na
Pero ikaw, makikita mo pa kaya?
Kaya bago matapos ang aking tula
Aasa parin ako na baka makita mo pa
Muli, sana makita mo na
Pakiusap, buksan mo hindi lamang ang iyong mga mata
Sana'y buksan rin ang iyong puso
At hayaang makapasok pati sa buhay mo
STAI LEGGENDO
Spoken Poetry (Tagalog)
PoesiaTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
