Para saan pa,
Na tinawag siyang isang ama?
Haligi ng tahanan
Kung dito'y di naman siya nadadatnanPara saan pa,
Na tinawag ko siyang papa?
Kung hindi naman ako anak para sa kanya
Kung hindi naman niya balak gampanan ang tungkulin niyaPara saan pa,
Ang patuloy kong paghawak sa pag-asa?
Na baka sakaling bumalik pa siya
At mabuo muli ang aming pamilyaPara saan pa papa?
Kung ito'y tuluyang tinalikuran na
At kami'y tuluyang kinalimutan
Tinago at binaon sa nakaraanAt ngayo'y nagbalik ka
Muli sa amin ay nagpakita
Nakakatawa dahil hindi ko ito inaasahan
Pero ito, ikaw ngayo'y nasa aking harapanHumingi ka ng tawad
Mahigpit na hinawakan ang aking palad
Nakita ko ang sakit mula sa iyong mga mata
Kasabay ng pag-agos ng iyong mga luhaRamdam ko ang tensyon
Pero pinili kong tignan ka ng walang emosyon
At sinabing "Para saan pa papa?"
Para san pa at bumalik ka pa?Kitang kita ko ang lungkot sa iyong mga mata
Nang marinig mo ang mga binitawan kong salita
Alam kong dahil doo'y nasaktan kita
Pero kasi pa, mas masakit yung lumaking wala kaPara saan pa at sinanay ang sarili
Na mabuhay ng wala ka sa aking tabi
Para saan pa ang lahat ng iniwan mong sakit
Na di kalaunan ay mas lalong pumaitPara saan pa papa?
Kung babalik ka lang bigla
Na tila wala kang masamang ginawa
Na tila wala kang pinabayaang pamilyaMatagal ka na sa aming patay
Pero lahat ng sakit ng dahil sayo ay buhay na buhay
Lahat ng yun ang aking pinanghawakan
Para sa iyo'y aking mapatunayanKahit wala ka, kinaya ko
Nagawa ko ng walang tulong mo
At oo nagtagumpay ako, ito'y napakita sayo
Pero ang sakit noon ay mas sumakit laloNang makita kitang nagmamakaawa
Umiyak at lumuhod pa
Ang bigat sa pakiramdam
Na makita kang ganyanPero sa nararamdaman ko'y wala kang alam
Ang paghihirap nami'y di mo ramdam
Gusto kitang ipagtulakan
Gusto kitang pahirapanPero para saan pa,
Ang pinanghawakan kong pag-asa
Kung palalagpasin ko lang ang pagkakataon
Na muli ay makasama ka ngayonPara saan pa kung patuloy na ikukubli lahat ng sakit at hinanakit
Kung pwede namang saya at ginhawa ang maging kapalitKasabay ng sayo'y muling pagtanggap
At muling pagtupad sa lahat ng naudlot nating pangarap
YOU ARE READING
Spoken Poetry (Tagalog)
PoetryTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...