May napanood akong nakakatawa
Sa sobrang kong saya
Tila gusto kong ibahagi sa iba
Kahit medyo may kalokohan itong dala
Muli akong nabigyan ng pagkakataon
Naging masaya ako ngayon
Nais kong ibahagi ang dahilan
Ikaw ang napili kong pagkwentuhan
May nalaman akong bagong kanta
Ang sarap nito sa tenga
Madali lang sabayan ang tyempo
Madaling kabisaduhin ang liriko
Kinabisado ko ito
Dahil gusto kong iparinig sayo
Alam kong magugustuhan mo
Kaya ibinahagi ko
Paulit ulit ang mga senaryo
Lagi akong nagbabahagi sayo
At ito nama'y pinapakinggan mo
Kaya masaya ako
Pero bakit simula noong nauso itong salita
Sa tuwing sayo'y magbabahagi na
Yun na ang sa akin ay isinasagot
Tila dahil doon ako'y nalulungkot
Uy alam mo ba? Ang saya ko!
"Share mo lang?"
Ang lagi kong natatamo
Kaya sa halip ay tumatahimik nalang
Mali bang sayo'y ipaalam?
Ito lang naman ang aking inaasam
Sa akin ay importante ka
Kaya kung sayo'y ibinabahagi, pasensya na
Pero kung darating ang pagkakataon
Na gusto mong ibahagi ang nangyari sayo ngayon
Ika'y ngingitian lamang
At sasabihing, "Sige, Share mo lang"
Makikinig ako
Kung ito ang magpapasaya sayo
Sige share mo lang
Ako'y nandito lamang
YOU ARE READING
Spoken Poetry (Tagalog)
PoetryTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
