Sa tagal na nating magkasama
Sa dami na ng alaalang pinagsaluhang dalawa
Nakita mo na ba?
Kasi di ko alam kung kulang pa
Noong kailangan mo ng kausap
Ako ang tinawag, siguro dahil wala ng ibang mahanap
Pero ayos lang, handa parin naman ako
Kahit hindi ako ang unang naisip mo
Noong luha mo'y walang tigil sa pagbagsak
Nasaksihan ko kung paano ang puso mo'y unti unting nawasak
Dinamayan kita, pinagaan ang iyong kalooban
Kahit ako yung mas mabigat yung pinagdadaanan
Minahal kita ng sobra
Lahat ng pagmamahal ko'y nakuha mo na
Ultimo sa sarili ko'y wala ng natira
Sarili ko'y napabayaan ko na
Nakakatawa nga, sa tuwing aking maaalala
Kung paano ako pinagtatawanan ng iba
Dahil pilit kong sinisiksik ang sarili
Sa taong di naman nakita ang aking halaga, ni sandali
Sa tuwing kailangan mo ako
Dali daling pumupunta sayo
Lagi akong nasa tabi mo
Ganito ko pinaramdam ang pagmamahal ko
Sabi mo malungkot ka,
Kaya ito ginawa ang makakaya para ika'y mapasaya
Sabi mo nasasaktan ka na
Kaya ito ako ngayon, nasa tabi mo, dinadamayan ka
Pero nais ko lamang itanong
Siguro, ito na ang tamang panahon
Baka pwede mo na itong masagot
Baka ramadam mo na ang pagmamahal kong sayo'y binalot
Nakita mo na ba?
O kailangan ko pang pagbutihan pa?
Nagkulang ba talaga ako?
O sadyang higit pa ang hinahanap mo?
Nakita mo na ba?
Ang aking halaga
Ramdam mo na ba, na mahal kita
O hanggang ngayon ay hindi pa?
Hanggang ngayon nandito parin naman ako
Hinihintay ko lang na makita mo
Nakita mo na ba?
O may nakita ka ng iba?
To be continue...
YOU ARE READING
Spoken Poetry (Tagalog)
PoetryTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
