Mga kapwa ko kabataan
Ano na ang inyong pinagkakaabalahan?
Inyong buhay ba'y pinahahalagahan?
O winawasak niyo na ng tuluyan?
Bakit sa mundo'y nagpapaagos?
Bakit sa mga bisyo'y nagpapagapos?
Ito ba ang tutulong sa inyong buhay?
Ito ba ang magiging daan sa tagumpay?
Imbis na sa paaralan pumapasok
Na may magandang buhay na inaalok
Nandun, nakatambay sa kanto
Humihithit ng di mabilang na sigarilyo
Imbis na libro ang binubuklat
Imbis na pag-aaral ang inaatupag
Nandun sa kalye pakalat kalat
Kanser sa bansa na ang banyag
Sulsol ng tropa ang sinusunod
Sa katawan ay wala ng natitirang takot
Sa alak ay nagpapakalunod
Hay buhay, jaan nalang umiikot
Bakit ang pinapagana ay laging puso
Bakit hindi masunod sunod ang plano?
Magandang buhay sa hinaharap
Bakit ipinagpapalit sa panandaliang sarap?
Bili dito, bili doon, mga bagay na puro luho
Para makasabay lang sa pagbabago
Para hindi husgahan ng ibang tao
At hindi matawag na huli sa uso
Isa lang ang tanong ko,
Nuh ginagawa mo?
Ito na ba ang iyong plano?
Ito na ba ang makakapagbago sa mundo?
Nuh ginagawa mo?
Piliin mo ang pagiging marangal na tao
Huwag mong ipahiya ang sarili
At tagumpay sa mundo'y ipasaksi
Alamin ang importante sa hindi
Huwag puro kasiyahan ang iniintindi
Maging praktikal sa lahat ng bagay
Ng umasenso ang ating buhay
Buksan ang iyong mga mata
Upang ang katotohanan ay makita
Na tayong mga kabataan ay unti unti ng napapariwara
Ang pag-asa ng bayan ay unti unti ng nawawala
Mga kabataan ngayon
Ito na ang ating panahon
Huwag sayangin ang pagkakataon
Mababang tingin sa atin ay ibangon
YOU ARE READING
Spoken Poetry (Tagalog)
PoetryTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...