Ang paligid ay puno ng makukulay na liwanag
Pero ako'y mistulang naglalakad na bulag
Dahil sa likod ng lahat ng liwanag na ito
Tila malawak na kadiliman parin ang naaaninag ko
Ang paligid ay maliwanag naman
Pero bakit ramdam kong ako'y nasa kadiliman
Sa gitna ng kadiliman, nakagapos
Gulong gulo ang isipan kung kelan ito matatapos
Ramdam ng puso ko'y may kulang
Sa bawat araw, tila parang ako nalang
Ang nakadadama ng pag-iisa
Kalungkutan ang bumabalot na siyang dahilan ng pagluha
Maliwanag na madilim ang aking buhay
Sa bawat araw ninanais na sa liwanag ay humimlay
Buhay ko'y tuluyan nang nawalay
Paano pa makakabalik kung nabuwag na ang tulay
Maliwanag na madilim ang akin pang haharapin
Hindi ko na alam ang dapat kong gawin
Ako'y naging alipin na ng kadiliman
At ito na ang siyang nakasanayan
Maliwanag na madilim lahat ng aking naging karanasan
Karahasan, kasinungalingan, kalungkutan at kahihiyan
Binalot nito ang aking pagkatao
Nawalan ng lakas at tuluyang nagpatalo
Maliwanag na madilim ang aking magiging kinabukasan
Kaya buong puso kong sasabihing "Hesus ika'y aking kailangan"
Ang totoong liwanag na galing sayo
At hindi ang akala ko'y totoo na mula lang pala sa mundo
Bigyan mo ng liwanag ang madilim kong mundo
Liwanag para ako'y maliwanagan sa lahat ng ito
Liwanag na siyang gagabay pabalik sayo
At liwanag na maghahari sa madilim na nakaraan ko
Madilim ang aking buhay
At maliwanag na sa aking na ikaw ang siyang tulay
Ikaw ang sa akin ay gagabay
Upang sa kadilimang ito'y tuluyan ng makahiwalay
Maliwanag na kadilim ang babalot sa aking buhay
Kapag sa piling niya ako'y nawalay
At maliwanag na aking malalabanan ang kadiliman
Kapag si Hesus ang siyang kakapitan
YOU ARE READING
Spoken Poetry (Tagalog)
PoetryTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
