Maganda siya
Maamo ang kanyang mukha
Lalo na kapag namumutawi
Ang kanyang matatamis na ngiti
Masaya siya
Yan ang lagi niyang ipinapakita
Ngunit ang kanyang mga mata
Tila may tinatago malungkot na istorya
Sa likod ng kanyang ngiti
Masasakit na karansan, kanyang ikinukubli
Sa likod ng kanyang ngiti
Sinusubukang lokohin ang sarili
Sa simpleng paraan ng pag ngiti
Pinapakitang masaya kahit sandali
Ngunit ang totoo ay ito'y pagkukunwari
Daan lamang para problema'y mainsantabi
Sa likod ng kanyang ngiti
Walang nakakaalam ng pag-iyak niya gabi gabi
Ang pagmumukmok sa isang tabi
Sa buhay, paubos na ang kanyang pisi
Sa likod ng kanyang ngiti
Mga tao'y naniwala ng kay dali
Na siya'y nasa mabuting kalagayan
Maayos ang kanyang nararamdaman
Sa likod ng kanyang ngiti
Nakatago ang kanyang wasak na sarili
Sa likod ng kanyang ngiti
May buhay, na maglalaho na ng unti unti
أنت تقرأ
Spoken Poetry (Tagalog)
الشعرTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
