Maybe This Time (✔)

Chapter 46

Bumalik din kami sa apartment after namin makapamili ng mga gagamiting materials ni Steve para sa demo teaching niya. At para akong tanga na napatulala lang noong makapasok kami sa loob. Sinalubong ba naman ako ng mga taong mahahalaga sa akin --- sila Jhela, Julie, Jules, Althea, Kevin, and Keighla.

"Hello, girl!" masayang bati sa akin ni Keighla at may hawak na banner. Natawa nalang ako kasi halatang sa sobrang excitement niya ay nakabaligtad pa iyon. Mabuti nalang talaga at natutunan kong magbasa ng pabaliktad kaya nabasa kong 'Welcome Back, Alisha Marie Gan. We miss you, so much!', ang nakasulat doon.

"Ang epal mo, Kei! Baliktad pa 'yong banner!" asik naman ni Julie na may suot na party hat. Natawa nalang ako sa itsura nilang lahat. Akala mo naman nasa children's party.

"FYI! Wala kang karapatang tawagin akong Kei. You're not my loves, and that's his official endearment to me so don't dare call me that way," baling naman ni Keighla kay Julie at inirapan ito. Mukhang may version 2.0 na si Julie and it's obviously my ever supportive bestfriend--- Keighla.

"Pwede na ba nating hubarin 'tong party hat na 'to? Nababaduyan na ako, eh," ani Jules. Halatang halata na napilitan lang sa get up niya.

"Let them, babe," pigil naman dito ni Jhela at siniko pa si Jules.

"OMG! Tama ba 'yong rinig ko? Babe?" kinikilig na tanong ko sa dalawa. Nilingon ko naman si Jhela, "kayo na?"

Pero imbes na sumagot ang dalawa, parang mga tanga lang silang napangiti. Halatang halata na masaya sila.

"Kailan pa?" tanong ko ulit sa kanila.

"Last two years pa," nagniningning ang mga matang sabi ni Jhela. Para namang teenager na nahihiya si Jules. Parang hindi siya komportableng pag-usapan though halata pa ring masaya siya.

Hindi ko tuloy naiwasang magtatalon palapit sa kanila at wala sa sariling niyakap sila. "OMG! Happy talaga ako para sa inyong dalawa! And what's the endearment again? Babe?" bigla naman akong bumulanghit ng tawa ng ma-realize kung anong tawagan nila.

"Babe talaga? Ang korni n'yo!" dugtong ko pa at tumawa ulit.

"Grabe ka, Ali! Ang sweet kayang pakinggan ng babe!" depensa naman ni Jhela.

"Yeah, if you say so. Pero kasi alam mo 'yon? Ang korni lang. Saka napaka-common. Bakit hindi nalang irog? Sinta? Baba?" suhestiyon ko at napahawak pa sa baba ko. "Hmm. Ano pa ba? Oppa? Jagi?"

"Oppa? Jagi? Saang lupalop mo naman nadampot 'yon?" tanong bigla ni Julie na as usual hindi maipinta ang mukha.

"Oo nga. Saka mas korni pa mga naiisip mo, eh," ani Althea.

"Yeah, mas okay ang babe kumpara sa irog, sinta, or baba. Like duh? Ang old-fashion lang tapos ano nga ulit 'yong huli mong sinabi? Ipo ba 'yon? Saka Jigo?" tanong ni Jhela. Halatang dinidipensahan ang endearment nila.

"Tsk! It's Oppa, not Ipo. And Jagi, not Jigo! Grabe! Hindi ba kayo updated?"

"Updated? Saan?"

"Sa mga Korean dramas."

Natahimik silang lahat pagkatapos marinig ang sinabi ko. Nagulat nalang ako ng bigla naman silang nagtawanan. Teka, pinagtatawanan ba nila ako kasi nanonood ako ng Kdrama? Feeling ko tinatraydor nila ako ng paharap.

"Ewan ko sa'yo, Ali. Ano bang nangyari sa nakalipas na mga taon? Bakit parang kinain ka na ng sistema?" naiiling na tanong ni Althea sa akin.

"Eh, paanong kinain? Grabe, ang hard n'yo sa akin. Try n'yo kaya minsang manood para ma-gets n'yo kung bakit?"

"No, but thanks!" halos magkakapanabay nilang sabi. Sa huli ay nilingon ko si Keighla na nag-peace sign pa. Ang lokang 'to! Lagot siya sa akin.

"Ikaw, Kevin? Anong masasabi mo sa mga taong nanonood ng KDrama?" nakangiting tanong ko kay Kevin. Halata namang nagtataka sila kung bakit si Kevin ang hiningan ko ng opinyon. Pero hindi ko muna pinansin iyon, sa ngayon kasi sobrang nae-enjoy ko 'yong uneasiness na nararamdaman ni Keighla.

"They're hopeless," walang kagatol gatol na sagot ni Kevin.

"Grabe ka, my loves!" biglang react ni Keighla at hinampas ito sa braso. Nanlalaki ang mga matang binalingan naman ni Kevin ang katabi niyang si Keighla.

"Did you hit me, Keighla?" tanong ni Kevin kay Keighla.

"It's Kei. Not Keighla, okay? And yeah, I did hit you. Do you want me to..." putol niya sa sasabihin at umubo-ubo pa siya, "hit you baby, one more time!"

Ang bruha, kumanta pa! Mali naman lyrics. Sabay-sabay kaming nagtawanan at magkakapanabay nilang hinagis sa dalawa 'yong party hat na suot nila. Ang adik din kasi talaga ng friend ko, eh. Lakas ng topak!

"Ewan ko sa'yo, Keighla! Wala kang kasupo-suporta. Porket nandiyan 'yong my loves mo. Papaalala ko lang po ulit sa'yo kung sakali mang nakakalimutan mo. Ikaw kaya ang pumilit sa akin na manood ng Korean Drama. Baliw na baliw ka nga kay Lee Min Ho, 'di ba?"

"Ali!" tili niya at bigla akong nilapitan. Tinakpan niya ang bibig ko at pinanlakihan ako ng mga mata. "Huwag mo sabihin 'yan. Baka isipin ni my loves, I'm cheating on him. Hindi ko lang nasabi sa'yo noong nakaraan pero alam mo 'yon? I finally moved on. Naka-get over na 'ko kay Lee Min Ho. Handa na akong ipaubaya siya sa'yo," tuloy tuloy na sabi niya.

"And who's Lee Min Ho?" biglang tanong ni Steve. Shems! Kamuntikan ko nang makalimutan ang presensiya niya. Kasama ko nga pala siya.

Nilingon ko siya at hindi ko alam kung bakit bigla akong napangiwi sa itsura niya. Nakakunot kasi ang noo niya at masasalamin ang kagustuhan niyang makilala si Lee Min Ho.

"Siya 'yong Korean Actor na pinag-aagawan namin noon ni Alisha. Actually, inaagawan lang talaga ako ni Ali, eh. Kasi 2009 palang kilala ko na si Lee Min Ho. Tapos siya, noong 2012 lang niya nakilala dahil sa akin. Sukat ba namang makipag-agawan. Siya raw talaga ang totoong Jan Di kaya tumigil na raw ako sa kakapantasya!" sagot naman ni Keighla sa tanong ni Steve.

"Jan Di?"

Keighla rolled her eyes, "alam n'yo naniniwala na akong kayo ang friend ni Ali before. Pare-pareho kayong walang alam sa Kdramas. Nanonood ba kayo ng TV man lang?"

"Masiyado nang gabi 'yong Kdramas kaya wala kaming time. We're not interested also."

"I see. Pero huwag kayong mag-alala. Next time, marathon tayo. Try n'yo lang. Promise, masayang manood ng Kdrama! Tapos kapag hook na hook na kayo, subukan n'yo namang i-translate sa tagalog 'yong English translation and then try n'yo ring i-dub. Tignan n'yo kung masasabayan n'yo 'yong buka ng bibig nila."

"At nakuha mo pang mag-suggest?" tanong ko sa kaniya.

"Well, sa'yo ko natutunan, Ali. Remember? Noong first time mong pinanood 'yong Boys Over Flowers? Para kang tanga na bumubulong tapos---"

"Okay, stop. Ang daldal mo. Ano ba 'yang hinanda n'yong food?" putol ko sa kaniya. Ayaw ko nang ma-spill pa ni Keighla ang mga kalokohan ko sa Kdrama. Actually, nasabi naman na niya eh. Ako kasi talaga 'yong pinapatukuyan niyang nagta-translate and dub at the same time.

"Speaking of which! We just bought pizza and pasta. Wala nang time magluto, eh. Kaya ayan nalang muna ang pagkasyahin natin," ani Althea.

Magkakapanabay na kaming gumawi sa sala at nagkanya-kanyang pwesto na. Nagkwentuhan lang kami at nagkamustahan. Nandoon na inaasar pa namin si Kevin at Keighla at halatang enjoy na enjoy naman ang huli. At siyempre, papahuli ba naman ako? Palihim din akong kinikilig. Paano ba naman kasi, si Steve pa ang nag-aabot sa akin ng pagkain at nahuhuli ko siyang nakatingin sa akin kapag panakaw ko siyang tinitignan.