"ရှေ့ဆက်ဘယ်လိုလုပ်မယ်လို့စဥ်းစားထားလဲ"
Hongjoong တစ်ယောက် သူငယ်ချင်းဖြစ်သူ Seonghwa ကို လှမ်းကြည့်လိုက်သည်။ 'မသိဘူး၊ သူတကယ်ဘာဆက်လုပ်ရမလဲ မသိတော့ဘူး။ ဘယ်အရာတွေက မှားယွင်းနေတာလဲ။ ဘယ်ကစပြီး မှားခဲ့တာလဲ။ သူ့ကို တိုင်ပင်ဖော် မရဘဲ အမြတ်ကြီးစားပါတယ်ဆိုပြီး နာမည်ကြီးတဲ့သူဆီကမှ ငွေချေးခဲ့တဲ့ သူ့မိဘတွေလား။ ကျောင်းပြီးသွားပေမယ့် အခုထိ အိမ်ကို ဘာမှမထောက်ပံ့နိုင်တဲ့ သူ့အပြစ်လား။ မနက်ဖြန် သန်ဘက်ပဲ အိမ်ပေါ်က ဆင်းပေးရတော့မယ့် သူတို့ရဲ့ အဖြစ်လား။'
Hongjoong တစ်ချက်ပြုံးလိုက်သည်။ လောကကြီးကို အရွဲ့တိုက်ချင်နေတဲ့ လှောင်ပြုံး။
"မသိသေးပါဘူးကွာ။ နည်းလမ်းရှာရမှာပေါ့။ လိုရင်ကြံဆ နည်းလမ်းရတဲ့။ ရအောင်ကြံရမှာပေါ့။ ငါ့မိသားစုကို ငါပဲကာကွယ်ရမှာလေ။"
"မင်းအကူအညီလိုရင် ငါ့ကိုပြောလို့ရတယ်နော်။ ဘာအကူအညီပဲဖြစ်ဖြစ်ပြော မင်းဘက်မှာ ငါတစ်ယောက်လုံး ရှိသေးတယ်ဆိုတာသာ မမေ့နဲ့။" သူငယ်ချင်းဖြစ်သူ Hongjoong ကို ကြည့်ပြီး Seonghwa လေးနက်သော စကားတွေကို ဆိုလိုက်သည်။ 'တကယ်ပါ သူ့သူငယ်ချင်းက စိတ်ဓါတ်ခိုင်မာသလိုနဲ့ ဘယ်လောက်တောင် အားငယ်လွယ်ပြီး နူးညံ့လည်းဆိုတာ သူအသိဆုံးပါ။ ဘာလို့ ဒီလိုကိစ္စတွေက သူ့သူငယ်ချင်းဆီမှာမှ လာဖြစ်ရတာလဲ။'
"ကျေးဇူးပဲကွာ မင်းရှိနေလို့လည်း ငါမယိုင်လဲတာပေါ့။ ကဲ အခုတော့ အိမ်ပြန်လိုက်ဦးမယ်။ ငါ့အမေက ငါ့ကိုစောင့်နေရှာမှာ။ သွားပြီ။"
Seonghwa ကို နှုတ်ဆက်ပြီး Hongjoong တစ်ယောက် အိမ်ပြန်လာခဲ့သည်။ အိမ်ပြန်လမ်းတစ်လျှောက်တော့ 'ငါဘာဆက်လုပ်ရမလဲ၊ ဘယ်လိုရှေ့ဆက်ရမလဲ၊ အကြွေးကိစ္စကို ဘယ်လိုရှင်းရမလဲ' ဆိုတဲ့ လဲပေါင်းများစွာသော မေးခွန်းတွေနဲ့ ပြည့်နှက်နေခဲ့တယ်။
_____________________
"တောက် မင်းတို့တွေ ဒီလောက်လေးတောင် အသုံးမကျဘူးလား လူလေးတစ်ယောက်ကို ဖမ်းဖို့ အဲ့လောက်တောင် ခဲယဥ်းလား ဟမ် ပြောစမ်းပါ ပြောတော့ အတော်ဆုံးတွေ ဂုဏ်ထူးဆောင်တွေပါဆို"
စခန်းမှူးကြီး Jongho ရဲ့ အသံသည် ရှေ့တွင် သတိဆွဲကာ ရပ်နေသော Wooyoung နဲ့ Yeosang တို့ကို တုန်လှုပ်သွားစေဖို့ လုံလောက်သည်။
'တကယ်ပါပဲ ဒီစခန်းမှူးကလည်း သူ့အသံအောင်ကြောင်း သိပါတယ်ဆို အဲ့လောက် အော်ဖို့ လိုလား ဘယ်သူကရော အဲ့ကောင်ကို လွတ်စေချင်မှာလဲ ဟိုကောင် မလှိမ့်တစ်ပတ်လုပ်ပြီး သူတို့ကို ရောချသွားတာကျ မမြင်ဘူး သူတို့လွတ်သွားတာကျ အပြစ်ပြောတယ်။ ငါတို့ဘဝလေးက သနားဖို့ကောင်းလိုက်တာနော်'
တာဝန်ကျ အရာရှိတစ်ဖြစ်လဲ အရာရှိ Wooyoung ရဲ့ ရင်တွင်းစကားသံတွေပါ။ 'ဘာလို့ အပြင်ထုတ်မပြောတာလဲဆိုတော့ သူအသက်နဲ့ကိုယ် အိုးစားမကွဲချင်သေးလို့ပါ၊ ရှင်းပါတယ်။'
"ကျွန်တော်တို့ကို နောက်ထပ်အခွင့်အရေး တစ်ခါပဲပေးပါ။ ဒီတစ်ခါ စခန်းမှူးကို စိတ်မပျက်စေရပါဘူး။"
အရာရှိ Wooyoung ရဲ့ ငယ်သူငယ်ချင်းဖြစ်သူ လုပ်ဖော်ကိုင်ဖက်လည်း ဖြစ်သူ အရာရှိ Yeosang က တည်ကြည်လေးနက်တဲ့ အသံနဲ့ ကတိစကားဆိုလိုက်တော့မှ စခန်းမှူး Jongho ရဲ့ မျက်နှာက အနည်းငယ် ပြေလျော့လာတယ်။
"ကောင်းပြီ။ မင်းတို့စကားနဲ့ မင်းတို့ရှိစေ။ နောက်တစ်ကြိမ် ဒီလိုမျိုး ထပ်ဖြစ်လို့ကတော့ နှစ်ယောက်လုံး ထုချေလွှာ တင်ရမယ်။"
သြဇာသံအပြည့်နဲ့ စခန်းမှူး Jongho ကပြောပြီး ထိုအရာရှိနှစ်ယောက်ကို မိမိတို့ ဌာနသို့ ပြန်စေတယ်။
________________________
"အဟက် သတိပေးထားတဲ့ ကြားထဲကနေ အရဲစွန့်တယ်ပေါ့ ငါဘယ်သူလဲဆိုတာ မသိဘူးလား ဒါမှမဟုတ် မေ့သွားတာလား။"
သြဇာအပြည့်အဝနဲ့ ခက်ထန်နေတဲ့ အသံကို ကြားရပြီးနောက်မှာတော့ ဒူးထောက်နေရသူ အလွန်အမင်း တုန်လှုပ်သွားတယ်။ သူက မထိသင့်တဲ့သူကို သွားထိမိတာမလား။ ရည်ရွယ်ပြီး လုပ်တာဖြစ်စေ မရည်ရွယ်ဘဲဖြစ်စေ တိုက်ရိုက်ဖြစ်စေ သွယ်ဝိုက်ပြီး ဖြစ်စေ နည်းနည်းလောက် သူ့ကို ထိမိတာနဲ့ အဆပေါင်းများစွာ ပြန်လက်စားချေရမှ ကျေနပ်တဲ့သူ။ သူလည်း တမင်ရည်ရွယ်ပြီး လုပ်ခဲ့သည်မဟုတ်။ ပြောရလျှင် သူ့ကိစ္စကို မဟုတ်ချေ။ သူ့သူငယ်ချင်းဖြစ်သူကြောင့်သာ ဒီလူနဲ့ လာပတ်သက်ရခြင်း။ သူငယ်ချင်းဖြစ်သူကိုလည်း ဆက်သွယ်၍ မရတော့။ မွေးကတည်းက တစ်ကောင်ကြွက် သူ့လိုလူကို ဘယ်သူကမှ တိုင်ချက်ဖွင့်မည် မဟုတ်သည့်အတွက် ရဲတွေကိုလည်း အားကိုးလို့ မရတော့။ ရှိစေတော့ သူ့ဝဋ်ကြွေးတွေ ဒီဘဝ ဒီမျှနဲ့သာ ကျေပါစေတော့။ သူမျက်လုံးစုံမှိတ်လိုက်တဲ့အခါ "ဒိုင်း" ခနဲ ကြားလိုက်ရပြီး ပူထူသွားကာ အရာအားလုံးနဲ့ အဆက်အသွယ်ပြတ်သွားချေတော့သည်။"
___________________×××__________________
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...