"ချောက်"
မှောင်မည်းနေသော အခန်းငယ်ထဲတွင် မီးရောင် မှိန်ပျပျ ထွန်းလင်းလာသည်။ သူအခန်းထဲသို့ ဖြေးညင်းစွာ လျှောက်လာပြီး ဝတ်ဆင်ထားသော ကုတ်အင်္ကျီကို ချွတ်လိုက်သည်။ ထို့နောက် ကိုယ်လက်သန့်စင်ကာသက်တောင့်သက်သာ ဖြစ်စေမယ့် အဝတ်အစားတွေ ဝတ်ဆင်လိုက်သည်။ မီးဖိုချောင်ထဲသွားကာ ဝိုင်ပုလင်းနဲ့ ဖန်ခွက်ယူလိုက်ပြီး ထိုအခန်းငယ်ထဲ ပြန်ဝင်လာခဲ့သည်။ ဝိုင်ပုလင်းကို စားပွဲပေါ်တင်ကာ ဖန်ခွက်ထဲ ဝိုင်အနည်းငယ် ငှဲ့လိုက်ရင်း ပြတင်းပေါက်နားကို လျှောက်လာပြီး ပတ်ဝန်းကျင်ကို အကဲခတ်နေလိုက်သည်။ စွေစွေလေး ရွာသွန်းနေသော မိုးက အလွမ်းဓါတ်ခံရှိသူကို ပိုမိုလွမ်းဆွတ်သွားစေနိုင်သည်။ သူ့အတွက်တော့ ဘာခံစားချက်မှ မပေး။ သူ့အတွေးသူ သဘောကျကာ ဝိုင်တစ်ငုံသောက်လိုက်သည်။ ထို့နောက် ဖုန်းနံပါတ်တစ်ခုကို ရိုက်နှိပ်ပြီး ခေါ်လိုက်သည်။
"တူ..... Hello"
"Hello"
"ဘာလိုချင်လို့လဲ"
တစ်ဖက်က ပြတ်သားလွန်းလှတဲ့ အသံကြောင့် သူမဲ့ပြုံးပြုံးလိုက်မိသည်။ ဒါသူ့ကို လူတွေ ဆက်ဆံတဲ့ ပုံစံပဲ။
"ရင့်လိုက်တာဗျာ အဲ့လောက်ကြီး မစိမ်းကားပါနဲ့။ ကျွန်တော်လည်း ခံစားချက်နဲ့ လူပါ။"
"တော်စမ်း...မင်းလုပ်ရပ်တွေ မတော်နိုင်သေးဘူးလား"
"ဟောဗျာ ကျွန်တော်က ဘာလုပ်နေလို့ တော်ခိုင်းနေရတာလဲဗျာ"
"မင်း!!! တော်ပြီ အခု ဘာကိစ္စ ဖုန်းဆက်တာလဲ။ ငွေလိုပြန်ပြီလား"
ဟက် ဒီလိုပါပဲ ဘယ်တော့မှ ပြောင်းလဲမှာ မဟုတ်တဲ့ မေးခွန်းတွေ။
"ဟုတ်တယ် မနက်ဖြန် ဒေါ်လာ ၁၀၀၀၀ ရချင်တယ်။ ဘယ်လိုလဲ ပေးနိုင်လား"
"ငါ့လက်ထဲ ဘယ်လိုလုပ် အဲ့လောက် ပိုက်ဆံရှိမှာလဲ"
"ကြံလိုက်ဖန်လိုက်ပေါ့ဗျာ...ခင်ဗျားကျွမ်းပါတယ် ဒါမျိုးတွေက...မဟုတ်ဘူးလား။ ကဲကဲ ကျွန်တော်လည်း လုပ်စရာတွေ ရှိသေးတယ်။ မနက်ဖြန်နော်...မမေ့နဲ့...ဒါပဲ။"
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...