ညနေ ၆ နာရီ ဝန်းကျင်ရှိနေပြီ ဖြစ်လို့ Jongho တို့ သုံးယောက်လုံး Yunho ရဲ့ စံအိမ်တော်ကို ပြန်လာခဲ့ကြသည်။
Yunho စံအိမ်တော်တွင်...
ရှစ်ယောက်လုံး စကားစမြည်ပြောရင်း ညစာ အတူစားနေကြသည်။ သူတို့ပြောနေတဲ့ စကားဝိုင်းရဲ့ အဓိက ဇာတ်ဆောင်က Kevin ပင်။ Kevin လုပ်ခဲ့တဲ့ မကောင်းမှုတွေကို သူတို့မနှစ်မျို့ပေမယ့်လည်း Kevin နဲ့ Erika တို့ရဲ့ ဘဝအမှန်ကို သိထားကြတဲ့အတွက် အနည်းနဲ့အများတော့ စိတ်မကောင်းကြပေ။ ထိုစဥ် Yunho က
"Mrs. Kim အခြေအနေ ဘယ်လိုလဲ"
ဟု မေးလာသည်။ Wooyoung က
"အခုလောလောဆယ်တော့ အချုပ်ထဲပဲ ရှိနေသေးတယ်။ မနက်ဖြန် တရားရုံးရောက်ပြီး စီရင်ချက်ချမှ အခြေအနေသိရမှာ...။ ဒီတစ်ယောက်တော့ မလွတ်နိုင်လောက်ပါဘူး"
ဟု ဆိုလာသောအခါ Yunho က
"အကူအညီလိုရင်ပြော ... ကျွန်တော်တို့ သုံးယောက်နာမည်သာ ပြောလိုက် ... တုတ်တုတ်မျှ မလှုပ်နိုင်စေရဘူး..."
ဟု ပြောကာ ဘေးနားက ဝိုင်ခွက်ကို ယူကာ တစ်ငုံမော့သောက်လိုက်သည်။ ထမင်းသာ ငုံ့စားနေသော Jongho က San ကို တစ်ချက်ကြည့်ပြီး
"Mr. Choi ကို မနက်ဖြန် ဝရမ်းနဲ့သွားဖမ်းမှာ"
ဟု ပြောလိုက်သည်။ ထိုအခါ San က ဇွန်းနဲ့ခက်ရင်းကို တင်းကြပ်စွာ ဆုပ်ကိုင်ပြီး
"အမြင့်ဆုံး အပြစ်ဒဏ်လျှောက်ပေး ... မဖမ်းခင် သေနတ်တစ်ချက်ဖောက်လိုက်ရင် ပိုကျေးဇူးတင်မိမယ်ထင်တယ်"
ဟု ပြောလိုက်သည်။ San ၏ စကားကြောင့် Yeosang စားနေရင်း သီးသွားသည်။ ရေတစ်ငုံသောက်လိုက်ပြီး San ကို ကြည့်ကာ
"နောက်နေတာလား"
ဟု မေးလိုက်သည်။ သူတို့ရဲတွေက တရားခံက မရုန်းသရွေ့ တရားခံမလှုပ်ရှားသရွေ့ ပစ်ခတ်ခွင့်မရှိ။ ပစ်မယ်ဆိုရင်တောင် အတော်ချင့်ချိန်ပြီးမှ ပစ်ရသည်။ Yeosang စကားကို
"နောက်နေတယ်ထင်လို့လား ..."
ဟု San က ပြန်ဖြေလိုက်ရင်း Yeosang ကို စိုက်ကြည့်လိုက်သည်။ ထို့နောက် ပါးချိုင့်လေးပေါ်လာအောင် ပြုံးပြလိုက်ရင်း
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...