Yunho ၊ Mingi ၊ San တို့ Mrs. Kim ဆီကို လာခဲ့ကြသည်။
Mrs. Kim အိမ်တွင် ...
"ဘာကိစ္စရှိလို့လဲ"
Mrs. Kim က ဆိုလိုက်သည်။
"Kevin အဖမ်းခံထားရတာ သိတယ်မလား"
Mingi က မေးလိုက်သည်။
"သိတယ်လေ"
ဟူ၍ Mrs. Kim က ဖြေသည်။
"သြော် ... ဘယ်လိုမှ မနေဘူးပေါ့"
San က မေးလိုက်ခြင်းပင်။
"ဘာကို ဘယ်လိုနေရမှာလဲ ... ကျွန်မနဲ့မှ မဆိုင်တာ ... အနေသာကြီး"
Mrs. Kim က မျက်နှာတစ်ချက်မဲ့လိုက်ရင်း ဆိုလိုက်သည်။
"သားတစ်ယောက်လုံး အဖမ်းခံရတာ ဘယ်လိုမှ မနေဘူးပေါ့ ... သား ... အရင်းကြီး...ကိုလေ"
Yunho က တစ်လုံးစီ ပီပီသသ ပြောလိုက်သည့်အတွက် Mrs. Kim မျက်နှာမှာ အံ့သြမှု၊ ထိတ်လန့်မှုတွေ ဖြတ်ပြေးသွားသည်။
"မင်း ... မင်း ... ဘယ်လိုသိတာလဲ"
Mrs. Kim က တုန်ရီစွာ မေးလာသည်။
"ဒီလောကမှာ ကျွန်တော်သိချင်ရင် မသိရတာ ရှိလို့လား"
ဘောင်းဘီကို ခါသလို လုပ်လိုက်ရင်း Yunho က ဖြေလာသည်။ ထို့နောက် ဆက်၍
"ကဲ ... ကိုယ့်သားအရင်းအချာက လူသတ်သမားဖြစ်နေတော့ ဘယ်လိုလဲ ... ခံစားချက်က... ဟက် ... လူသတ်သမားသားက လူသတ်သမားပဲ ဖြစ်တာ မဆန်းပါဘူး"
Yunho က ခနဲ့သလိုလို ထေ့သလိုလို ပြောလိုက်သည်။
"မင်းကြိုက်သလိုပြော ... ပြောချင်သလိုသာပြော ... အဲ့ဒါ သူ့ကိစ္စ ... ငါနဲ့မဆိုင်ဘူး"
Mrs. Kim က ခေါင်းကို တခြားဘက်သို့ လှည့်လိုက်ပြီး ပြောလိုက်သည်။
"Wow wow wow ... နည်းနည်းလေးတောင် စိတ်မပူဘူးလား"
လက်ပိုက်ကြည့်နေရင်းမှ Mingi က ဆိုလာသည်။ Mrs. Kim က ဘာမှပြန်မဖြေ။ ထိုအခါ San က
"ကဲကဲ စိတ်မပူလည်း နည်းနည်းလောက်တော့ လွမ်းနေမယ်ထင်တယ် ... မပူပါနဲ့ ကျွန်တော်တို့ စီစဥ်ပေးထားပါတယ်"
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...