"ကယ်ပါဦးရှင် ကျွန်မနောက်ကနေ လူတစ်ယောက်လိုက်လာလို့ပါ"
တံခါးဖွင့်လိုက်တာနဲ့ မိန်းကလေးတစ်ယောက်က သူ့လက်ကို ဆုပ်ကိုင်ပြီး အကူအညီတောင်းလာသည့်အတွက် Yeosang ဘယ်ညာကြည့်ရင်း လူလိုက်လာ၊မလာ ကြည့်လိုက်သည်။ မတွေ့တော့မှ
"ဘယ်သူမှ မရှိပါဘူး"
"ကျွန်မနောက် လိုက်လာတာ သေချာပါတယ်ရှင်။ စတိုးဆိုင်ကနေအပြန် လမ်းတစ်ဝက်လောက် ရောက်ကတည်းက ကျွန်မနောက်က လိုက်လာတယ်ထင်တယ်။ ကျွန်မက အခန်း ၁၀၅ ကပါ။ အဆင်ပြေရင် ကျွန်မအခန်းရှေ့ထိပဲ လိုက်ပို့ပေးပါလားရှင်။ ကျွန်မတကယ်ကြောက်နေလို့ပါ။ ကူညီပါရှင်။"
အားနည်းသူကို ကူညီရမယ်ဆိုတဲ့ စိတ်က မွေးကတည်းရှိနှင့်နေပြီး ထမ်းဆောင်နေတဲ့ တာဝန်ကလည်း ရဲဝန်ထမ်းဖြစ်သည့်အားလျော်စွာ Yeosang သူ့အခန်းကို သော့ခတ်ပြီး ထိုမိန်းကလေးကို သူ့အခန်းလိုက်ပို့ပေးလိုက်သည်။
"ကျွန်မက တစ်ယောက်တည်းနေတာပါ။ မွေးကတည်းက တစ်ယောက်တည်းပေါ့။ ပြောရရင် မိဘမဲ့ပေါ့။ ကျွန်မ အစ်ကိုက ရဲမှန်း သိပါတယ်။ အစ်ကိုသာ သတိမထားမိတာ။ အစ်ကို ရဲဝတ်စုံနဲ့ ပြန်လာတာကို ကျွန်မ ခဏခဏတွေ့ဖူးပါတယ်။ အဲ့ဒါကြောင့်လည်း အားကိုးပြီး အကူအညီ တောင်းလိုက်တာပါ။ ကျွန်မနောက်က လူလိုက်လာတယ်ဆိုတာလည်း တကယ်ပါ။ ကျွန်မရဲ့ အသိလား ဘာလားတော့ ကျွန်မလည်း သေချာမမြင်ရလို့ မသိဘူး။"
လိုက်ပို့တဲ့ လမ်းတစ်လျှောက် ထိုမိန်းကလေးပြောတာကို နားထောင်ရင်း လိုက်လာခဲ့သည်။ ထိုမိန်းကလေး အခန်းရှေ့ရောက်တော့
"သတိထားပေါ့။ တစ်ယောက်တည်း နေတယ်ဆိုလည်း အပြန်ကို မိုးမချုပ်စေနဲ့။ ဖြစ်နိုင်ရင် မိတ်ဆွေတစ်ယောက်ယောက်ကို အကူအညီတောင်းကြည့်ပေါ့။"
"အဟင်း...ကျွန်မမှာ မိတ်ဆွေရယ်လို့ မရှိပါဘူး။ မွေးကတည်းက တစ်ယောက်တည်း နေလာတာများပါတယ်။ အပေါင်းအသင်းဆိုတဲ့ သူတွေကလည်း သာတုန်းသာ ပေါင်းတာ နာလည်းနာရော ပျောက်သွားလိုက်ကြတာများ"
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...