Jongho နဲ့ Mingi တို့ Kevin ၏ ရုံးခန်းသို့ ရောက်လာခဲ့ကြသည်။ ရုံးခန်းထဲတွင် ...
"Mr. Song က ဘာကိစ္စများလဲ"
သူတို့ကို မြင်တော့ Kevin က ဆိုလိုက်သည်။ ထို Kevin ကို ကြည့်လိုက်တော့ ထုံးစံအတိုင်း မျက်နှာဖုံးတပ်လျက်ပင်။
"ကျွန်တော်တို့ AURORA စီမံကိန်းကို သိတယ်မလား ..."
Mingi က မေးလိုက်သည်။
"အဲ့စီမံကိန်းမှာ လူတစ်ယောက်ဆုံးသွားတယ်"
"ကြားရတာ စိတ်မကောင်းစရာဗျာ... ကျွန်တော်ကူညီပေးနိုင်တာ ရှိလို့များလား"
"ရှိတာပေါ့ ... ဒါပေမယ့် စီမံကိန်းနဲ့တော့ မဆိုင်ဘူး"
ပြောပြီး Mingi ထို Kevin ရဲ့ မျက်လုံးကို တည့်တည့်စိုက်ကြည့်လိုက်သည်။
"Kevin သိလား ... အဲ့လူက အလင်းရောင်ဂေဟာမှာ နေဖူးတဲ့သူတဲ့"
"အလင်းရောင်ဂေဟာ..."
မေးလာတဲ့ Kevin ကြောင့် Mingi ပြုံးလိုက်သည်။ Okay ကစားချင်သပဆို ကစားတာပေါ့။
"ဟုတ်တယ် အလင်းရောင်ဂေဟာ။ ကျွန်တော်တို့ စီမံကိန်းမှာ ဖြစ်တာဆိုတော့ ကျွန်တော်တို့မှာ တာဝန်ရှိတယ်လေ ... အဲ့ဒါကြောင့် အလင်းရောင် ဂေဟာကို သွားစုံစမ်းခဲ့တယ် ... Kevin သိလား အဲ့မှာ ကျွန်တော်သတင်းတစ်ခု ရခဲ့တယ်"
"ခဏလေး Mr. Song ပြောနေတာတွေက ကျွန်တော်နဲ့ မသက်ဆိုင်သလိုပဲ"
"ဖြေးဖြေးပေါ့ ... မလောပါနဲ့ ... အဲ့သတင်းက ဘာလဲ မသိချင်ဘူးလား"
ပြောရင်း Mingi ဆိုဖာကို မှီထိုင်နေရာမှ အရှေ့သို့ အနည်းငယ် ကိုင်းလိုက်သည်။ Kevin က ပြောလေဆိုသော သဘောနဲ့ မျက်ခုံးတစ်ဖက်ပင့်ပြသည်။
"အဲ့ဂေဟာ မီးလောင်တုန်းက အလှူရှင်တစ်ယောက် ပေါ်လာတယ် ... အဲ့အလှူရှင်က နာမည်မဖော်ဘဲ bank account ကနေ ငွေလွှဲလိုက်တာ ... အဲ့အလှူရှင်က ဘယ်သူလဲ သိလား"
Mingi ပြောရင်း Kevin ရဲ့ အပြုအမူကို အကဲခတ်နေလိုက်သည်။
"ကျွန်တော်လေ အဲ့အလှူရှင်က ... အဲ့ဒါ ဆန်းလို့လား"
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...
