ရင်ခွဲရုံတွင်...
"အရာရှိ Kang Yeosang ပါ မနက်က လွှဲလိုက်တဲ့ အလောင်းကို လာကြည့်တာပါ"
ရင်ခွဲရုံထဲဝင်ကာ အလောင်းကောင်ကို ကြည့်လိုက်ရင်း Yeosang သက်ပြင်းချမိသည်။ မနေ့ညကတင် သူနဲ့စကားပြောသွားခဲ့တဲ့သူက အခုတော့ တစ်ကိုယ်လုံးအေးစက်တောင့်တင်းပြီး အသက်မရှိတော့ဘူးတဲ့လား။ ခန္ဓာကိုယ်မှာ ဒဏ်ရာဒဏ်ချက်တွေ ခုခံထားတာတွေ ရှိမရှိ သူကြည့်လိုက်သည်။ အရင်က လူအတိုင်း ဓါးဒဏ်ရာနှစ်ချက်။ ထိုးချက်တိုင်း သေသပ်ပြီး တိကျသည်။ ထိုအချက်က သူ့ကို စဥ်းစားစရာပေးသည်။ ဘယ်လိုပဲ ကျွမ်းကျင်တဲ့သူ ဖြစ်ပါစေ အသက်ရှိနေတဲ့ လူတစ်ယောက်ကို တစ်ချက်မှရုန်းကန်နိုင်ခြင်း မရှိဘဲ ဓါးနဲ့ ဘယ်လိုထိုးလဲ။ ကြိုးနဲ့တုပ်တယ် ပြောရအောင်လည်း ဒဏ်ရာဒဏ်ချက်မတွေ့ရ။ အဆိပ်ငွေ့လွှတ်တယ်ဆိုရအောင်လည်း အသက်ရှူကြပ်ခဲ့တဲ့ပုံတွေ မတွေ့ရ။ ထိုစဥ် စခန်းမှူးဆီမှ ဖုန်းဝင်လာသည်။"
"အရာရှိ Kang စခန်းကို အခုချက်ချင်း ပြန်လာခဲ့ပါ။ သေဆုံးရတဲ့အကြောင်းရင်းကို သိရပြီ။"
_________________________________________"Nitrous Oxide! Laughing gas လို့လည်း ခေါ်တယ်။ ဆေးကုသတဲ့အခါ သုံးပေမယ့်လည်း ပမာဏများသွားရင် ရှူရှိုက်မိတဲ့သူက မူးမော်လာပြီး စိတ်ဓါတ်ကျသွားမယ်၊ သတိလွတ်ချင်သလို ဖြစ်သွားမယ်။ အဲ့အချိန်မှာ လူသတ်သမားက ဓါးနဲ့ထိုး သတ်လိုက်တာပဲ။"
"လူသတ်လက်နက်သိပြီဆိုတော့ လူသတ်သမားကို ဖော်ထုတ်ဖို့ပဲ ကျန်တော့တယ်။ လူသေမှု နှစ်ခုကို ကြည့်ရင် လူသတ်သမားက တစ်ယောက်တည်းသမားတွေကို ပစ်မှတ်ထားတယ်လို့ ယူဆဖွယ် ရှိတယ်။ ... ပြီးတော့ နောက်တစ်ခုက အလင်းရောင်ဂေဟာက လူတွေကို ပစ်မှတ်ထားတာပဲ။"
စခန်းမှူးဆိုလာတဲ့ စကားကြောင့် Yeosang စခန်းမှူးကို ကြည့်လိုက်သည်။ အလင်းရောင်ဂေဟာ။ ငါရင်းနှီးနေသလိုပဲ။ ဘယ်မှာကြားဖူးတာပါလိမ့်။
"ကျွန်တော်နဲ့ အရာရှိ Jeong တို့ အသတ်ခံရသူ နှစ်ယောက်ရဲ့ အိမ်တွေကို ထပ်သွားစစ်တော့ ဒီပုံနှစ်ပုံတွေ့တယ်။ ကြည့်ကြည့်လိုက်။"
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...