သူ့မှာဘာလုပ်ပိုင်ခွင့်မှ မရှိသေး၍ Hongjoong မတုံ့ပြန်ခဲ့သော်လည်း ငြိမ်နေခဲ့သည်တော့ မဟုတ်ပေ။ သူ့အစ်ကို San ထောက်လှမ်းသည့်အရာ မှန်သမျှကို သူမှန်းမသိစေဘဲ အမည်မဖော်လိုသူအဖြစ် အကုန်ကူညီပေးခဲ့သည်။ Yunho ရဲ့ လက်ထဲ စာရင်းစာအုပ် ရောက်သွားသည်မှာလည်း သူ့လက်ချက်ပင်။ Yunho လွှတ်ထားသော သူကို စာအုပ်ပေးကာ သူမှန်းမသိအောင် လျှို့ဝှက်ပေးထားဖို့ ပြောလိုက်ခြင်းသာ။ သူ့ကို အိမ်တော်ရဲ့ သခင်သုံးယောက်လုံးက ပစားပေးထားမှန်းသိ၍ ဝန်ထမ်းများကို နှုတ်ပိတ်ဖို့ သူ့အတွက် မခဲယဥ်းလှ။ သူပြောပြသမျှကို နားထောင်ပြီး အံ့သြမှု အရိပ်အယောင် ပြည့်နှက်နေတဲ့ အစ်ကိုဖြစ်သူကို Hongjoong ထပ်မေးလိုက်သည်။
"ကျွန်တော်ရော ကူပေးလို့ရမလား"
"အငယ်လေးကို ကလေးလေးလို့ ထင်ထားတာ အဟက် အငယ်လေးက ကိုယ့်ထက်တောင် ပိုသွက်နေတာပဲ။ ရတာပေါ့ အငယ်လေးရာ။ မင်းသာဖြစ်ချင်ရင် ဘာမဆို ဖြစ်စေရမယ်။ ဟုတ်ပြီလား။"
ပြောရင်း သူ့ခေါင်းကို လာပုတ်နေသည့် အစ်ကိုဖြစ်သူကြောင့် သူပြုံးပြရင်း ခေါင်းညိတ်လိုက်သည်။ အစ်ကိုနဲ့ ပြောပြီး သူ့အခန်းသူ ပြန်လာခဲ့သည်။ အခန်းထဲသို့ ရောက်သောအခါ...
"ရိုးသားတဲ့ဖိုးသဖွားလေး ထင်နေတာ လက်သည်းဝှက်ထားတဲ့ မြေခွေးလေးပဲ။"
စားပွဲခုံကို မှီရင်း သူ့ကို လက်ပိုက်ကာ ပြောလာသည့် Yunho ကြောင့် သူ့အကြောင်းတွေ သိသွားပြီ ဆိုတာ မလွဲဧကန်ပင်။
"အဲ့တော့...ကိုကိုက မကြိုက်ဘူးလား"
ပြောရင်း လက်ပိုက်ပြီး မှီရပ်နေသူဆီကို တစ်လှမ်းချင်း လှမ်းသွားလိုက်သည်။ အနားသို့ ရောက်သောအခါ ထိုသူ့ရဲ့ ရှေ့တည့်တည့်မှာ ရပ်လိုက်ပြီး ပိုက်ထားတဲ့လက်ကို ဖြုတ်လိုက်ကာ သူ့ခါးမှာ ချိတ်တွယ်ခိုင်းလိုက်သည်။
"ဟင်...လို့"
သူပြောလိုက်တော့ အံ့သြရိပ်သန်းသွားသော မျက်ဝန်းကနေ ရုတ်ချည်း ရယ်မြူးရိပ်သန်းသွားသည်ကို တွေ့လိုက်ရသည်။ သူ့ခါးထက်ချိတ်ထားသောလက်အစုံကို တင်းကြပ်စွာ ချိတ်လိုက်ပြီး သူ့ခါးကနေ ပိုမိုနီးကပ်အောင် ဆွဲယူခြင်း ခံလိုက်ရသည်။
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...