Jeong Yunho? ဟုတ်လား ငါဒီနာမည် ဘယ်မှာကြားဖူးပါလိမ့် ကြားတော့ကြားဖူးပါတယ် ထိုစဥ် စတိုးဆိုင်မှာ ဝယ်သူကို ငွေရှင်းပေးနေရင်း ကြားလိုက်ရတဲ့ သတင်းအချို့က ခေါင်းထဲ တစ်ပိုင်းတစ်စ ပေါ်လာသည်။
"Utopia Enterprise ပိုင်ရှင် Mr. Jeong Yunho သည် Columbia Enterprise မှ Mr. Gyuwook နှင့်အတူ Aurora ဒေသတွင် ရင်းနှီးမြှုပ်နှံမှု တစ်ခု လုပ်ခဲ့။"
Hongjoong တစ်ယောက် မျက်လုံးပြူး မျက်ဆံပြူး ဖြစ်သွားခဲ့ရသည်။ မဟုတ်ဘူးမလား အဲ့ဒီ Jeong Yunho မဟုတ်ဘူးမလား။ Utopia Enterprise ပိုင်ရှင်သည် မိမိကို လာထိပါးလာသူ မှန်သမျှကို ရက်ရက်စက်စက် ပြန်ချေမှုန်းတတ်သည် ဟူ၍ စီးပွားရေးလောကမှာ နာမည်ကြီးလှသည်။သူ့ကို ကြောင်ကြည့်နေသော ထိုလူကိုကြည့်ပြီး လှောင်ပြုံးပြုံးလိုက်မိသည်။ ကြည့်ရတာ အခုမှ သူဘယ်သူဆိုတာ သိသွားတဲ့ပုံပဲ။
"Utopia Enterprise ကို သိတယ်မလား"ရပြီ အဲ့လောက်ဆိုသိပြီ အခုကိုယ့်ရှေ့မှာ ရပ်နေတဲ့သူက နှစ်ယောက်မရှိ ပြိုင်ဘက်ကင်း ရက်စက်တတ်သူကြီး Jeong Yunho ဆိုတာ။ နေပါဦး သူ့အဖေနဲ့ အဲ့လူနဲ့က ဘယ်လိုလုပ် သိတာလဲ။ စီးပွားရေးအရ သိဖို့ဆိုတာကလည်း သူ့အဖေ စီးပွားရေးက သူလိုလူ သတိထားမိလောက်အောင် ကြီးကျယ်လှတာလည်း မဟုတ်။ မနက်ဖြန် အမေနဲ့သွားတွေ့မယ်ဆိုတော့ ငါထွက်ပြေးမှာ၊ သူငါ့ကို ဖမ်းထားကြောင်း ပြောမှာ မစိုးရိမ်ဘူးလား။ အင်း...အင်းပေါ့လေ ငါလိုလူစကားကို ဘယ်သူက ယုံပါ့မလဲ။ သူနဲ့သိချင်လို့ တမင်အကွက်ချတယ်ပဲ ထင်ကြမှာ။
သူ့ကို မျက်တောင်တစ်ချက်မခတ် စိုက်ကြည့်နေတဲ့လူကြောင့် သူတော်တော်စိတ်လေသွားသည်။ ဒီလူ သူ့ကို စိုက်ကြည့်တာ ဒါနဲ့ဆို နှစ်ခေါက်ရှိပြီ တော်တော်များများက သူ့ကိုဆို စိုက်ကြည့်ဖို့ မပြောနဲ့ မျက်လုံးတောင် လှန်ကြည့်ရဲတာ မဟုတ်ဘူး။
"သွားလို့ရပြီ မနက်ဖြန် မင်းအမေနဲ့တွေ့ဖို့သာ အဆင်သင့်ပြင်ထား"Hongjoong ဘာမှ ပြန်မပြောဘဲ ထိုလူရဲ့ အခန်းထဲက ထွက်လာခဲ့သည်။ အပြင်ရောက်တော့ San တို့နှစ်ယောက်။
YOU ARE READING
Everything I do, I do it For You (Unicode Only)
Romantikkမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...