"Account ပိုင်ရှင်သိရပြီ"
San က ပြောရင်း Yunho ရဲ့ စာကြည့်ခန်းထဲကို ဝင်လာသည်။
"Kevin"
San ရဲ့ စကားကြောင့် Yunho မျက်မှောင်ကြုတ်သွားသည်။ Kevin ဆိုတာ စီးပွားရေးလောကမှာ သူ့ရဲ့ Utopia Enterprise နဲ့အပြိုင် တဟုန်ထိုး နာမည်ကြီးလာခဲ့တဲ့ Zeus Enterprise ပိုင်ရှင်။ ထိုသူက အလင်းရောင်ဂေဟာနဲ့ ပတ်သက်စရာ အကြောင်းမရှိ။ ပရဟိတလုပ်တယ်ဆိုရအောင်လည်း နာမည်မဖော်ဘဲ လှူခြင်း။ ရိုးရိုးလေးတွေးကြည့်ရင် ဒီကိစ္စက အထူးအဆန်းမဟုတ်ပေမယ့် Yunho လို ချက်ကျလက်ကျ တွေးသူဆိုရင်တော့ ဒီကိစ္စသည် လျစ်လျူရှုစရာ ကိစ္စမဟုတ်မှန်း တွေးမိလောက်သည်။ ထိုသူကို မြင်ဖူးသူ ဟူ၍ လုံးဝမရှိ။ သူကိုယ်တိုင်လည်း public ထွက်ပြသူမဟုတ်ပေမယ့် အရေးကြီးတဲ့ ပွဲတွေဆိုရင်တော့ သူကိုယ်တိုင်တက်ရောက်သည်။ ဆိုလိုချင်သည်က သူ့ကိုဆို ဘယ်လိုပုံစံမှန်း သိကြသည်။ Kevin က ထိုသို့မဟုတ်။ မဖြစ်မနေမို့ ပွဲတက်ရရင်တောင် မျက်လုံးနဲ့ နှာခေါင်းကို ဖုံးသော အနက်ရောင် မျက်နှာဖုံးကို အမြဲတမ်းတပ်လာသည်။ လုပ်ငန်းရှင်တွေပဲ တက်တဲ့ပွဲမှာ ထိုသို့ပွဲတက်ခြင်းက ရိုင်းရာကျပေမယ့် အပြစ်ပြောမယ့်သူမရှိ။ သူကလည်း မိမိကလွဲ သူများကို စိတ်မဝင်စားတဲ့အတွက် ခေါင်းထဲကို အရေးတယူ ထည့်မနေ။ အခုတော့ ထိုသို့ လုပ်လို့မရ။ ဘယ်သူပြောနိုင်မှာလဲ ဒီကွင်းဆက်လူသတ်မှုက Kevin နဲ့ မဆိုင်ဘူးလို့။ သူတို့စကားပြောနေတုန်း Hongjoong နဲ့ Mingi အခန်းထဲ ဝင်လာသည်။ ဒီနှစ်ယောက်က ဘာလို့ အမြဲတပူးပူး တတွဲတွဲလဲ။ တကယ်တော့ သူသဝန်အတိုလွန်နေမှန်း Yunho သိပါတယ်။ ဒါပေမယ့်လည်း မတတ်နိုင်ဘူးလေ ... ချစ်တာကိုး။
"ကိုကို ... Jongho တို့ဆီ သွားချင်လို့"
သူ့ကို ပြုံးပြပြီး ခွင့်တောင်းလာတဲ့ ပိုးတုံးလုံးကို သူ့မှာ အသည်းတယားယားနဲ့။
"ဘာလုပ်ဖို့လဲ"
"ဒီအတိုင်း ... သွားလည်ချင်လို့လေ ... အိမ်မှာက ပျင်းစရာကြီး ... ကိုကိုတို့ကလည်း ကုမ္ပဏီသာ မသွားတာ အားနေ အဲ့ laptop ကြီးပဲ ကြည့်ပြီး တစ်ချိန်လုံး အလုပ်လုပ်နေတာကို"
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...