Hong လေးကို ပွေ့ချီပြီး ကုတင်ပေါ် ဖြေးဖြေးညင်ညင်သာသာလေး တင်ပေးလိုက်သည်။ ဝိုင်းစက်ပြီး အရည်ရွှန်းနေတဲ့ မျက်ဝန်းစုံကို အခုတော့ ကော့ညွှန့်နေသော မျက်တောင်ရှည်များနဲ့ အနားသတ်ထားတဲ့ မျက်ခွံတွေက ဖုံးအုပ်ထားသည်။ နဖူးပေါ် ပြန့်ကြဲနေသော ဆံစများကို သပ်တင်လိုက်ပြီး Hong လေးကို ငေးမောနေလိုက်သည်။ စိတ်အစုံက အတိတ်က အချိန်တစ်ခုသို့...
"ကိုကို"
ကိုယ့်ကိုခေါ်ပြီး ပေးဖက်လာတဲ့ ပိုးတုံးလုံးကောင်လေးကို ပြန်ဖက်ထားလိုက်သည်။ သူငယ်ချင်းဖြစ်သူ San ဆီကို အလည်လာသည်ဟု အကြောင်းပြရင်း ထိုပိုးတုံးလုံးလေးကို လာတွေ့ခြင်းသာ ဖြစ်ကြောင်း သူ့ကိုယ်သူသာ သိသည်။ သူ့ထက် ၅ နှစ်ငယ်တဲ့ ဒီပိုးတုံးလုံးကောင်လေးကို သူတကယ်ချစ်သည်၊ အူလည်း အူယားသည်။ တစ်ခါက သူ့ကို လိုချင်တယ်ဆိုပြီး မေမေတို့ကို ငိုယိုပူဆာတော့ ထိုပိုးတုံးလုံးလေးက သူ့ဆီလာပြီး
"အာ ကိုကိုကလည်း ငိုနဲ့လေ၊ Hong ရေးက ကိုကို့နားပဲ နေမှာကို ငိုနဲ့နော် တိတ်တိတ်"
ဆိုပြီး သူ့ကို လာချော့သည်။ အဖေ့စီးပွားရေးကိစ္စကြောင့် သူတို့မိသားစုလိုက် အမေရိကကို ၇ နှစ်လောက် ထွက်သွားခဲ့ရပြီး ပြန်လာလာချင်း ကြားလိုက်ရတာက Hong လေး ပျောက်သွားသည်ဆိုတာပင်။ Mr. Choi တို့ အပန်းတကြီး ရှာသလို သူလည်း သူတတ်နိုင်တဲ့ဘက်က တတ်နိုင်သလောက် ကြိုးစားရှာခဲ့သည်။ မင်း သိပ်အပုန်းကောင်းခဲ့တယ် Hong လေး။ မင်းပြောတော့ ကိုယ့်နားမှာပဲ နေမှာဆို...။"အဲ့လောက်တောင် ချစ်လား။"
အသံကြားလို့ လှည့်ကြည့်လိုက်တော့ Mingi အခန်းထဲ ဝင်လာသည်ကို တွေ့ရသည်။"ဘယ်လိုဖြစ်သွားပြီလဲ။"
"အနှောင့်ပေါ်လာတယ် ဒါပေမယ့် အေးဆေးပါ။ အဲ့ဒါထား ဘယ်တော့ ဖွင့်ပြောမှာလဲ။"
"ဘာကိုလဲ။"
"မသိချင်ယောင်ဆောင်မနေနဲ့။ ငါဘာပြောမှန်း မင်းသိတယ်။"
သူ Mingi ကို ဘာမှပြန်မပြောဘဲ သက်ပြင်းအသာချကာ Hong လေး မျက်နှာကိုသာ တစိမ့်စိမ့်ကြည့်နေလိုက်သည်။ သူမပြောချင်ဘူး သူ့ခံစားချက်ကို ပထမဆုံး သိရမယ့်သူက Hong လေးပဲ။
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...