Tune of Hearts

36

Shinea's POV

Nagyaya si Lauren sa Baguio. Nakatayo lang kami dito sa labas ng condo ko habang hinihintay pa namin yung manliligaw ni Zhely. Saka gusto rin naman daw niya talagang pasamahin para raw makilala ko. Magmula kasi nang makilala ko si Zhely ay hindi ko pa rin nakikita yung manliligaw niya.

"Oh! Zhely! Bakit wala pa yun?" nag-iingay na naman si Lauren. Atat na atat na naman kasing gumala.

"Wait lang. On the way na daw siya rito."

Ilang minuto na rin ang lumipas at sa wakas ay nakarating na din ang manliligaw niya.

Bigla akong napatakip ng bibig nang makita ko kung sino ang lumalakad palapit sa amin.

Wait! Si Marcus?! Shemay!

Bakit ba kasi hindi sinasabi ni Zhely? Nasusurprise tuloy ako.

"Sorry guys. I was stuck in a heavy traffic." sambit ni Marcus.

"Akala namin hindi ka sasama baka magwala si Zhely eh!" pang-aasar ni Lauren kay Zhely. Inirapan naman siya ni Zhely.

Nauna nang lumakad si Lauren papunta sa kotse ni Jeth. "Yoohooo! Let's go na sa Baguio!"

Nang papasakay na ko ay bigla akong pinigilan ni Lauren. "Hops ka muna! Do'n ka sa harap!"

Tssskkk. Inirapan ko siya pero tinawanan lang niya ko. 

So no choice ako. Kailangan kong tumabi kay Jeth sa harap. Naiilang nga ako, tapos si Lauren pilit namang push nang push.

Nasa kotse naman ni Marcus si Zhely. Nakasunod lang sila sa amin.

Tahimik lang ang biyahe. Si Lauren, hindi makakibo doon sa likod dahil katabi niya si Drey. Binibigyan ko pa siya ng mapang-asar na tingin pero inaambahan niya ako na susuntukin niya ko kapag hindi ako tumigil.

Ang tahimik dito sa harap. Naiilang pa rin ako kay Jeth kaya di ko magawang kausapin. Wala man lang music kaya naisipan kong kumanta habang nasa biyahe.

Now Playing: Bubbly

"Will you count me in?

I've been awake for a while now
You've got me feelin' like a child now
'Cause every time I see your bubbly face
I get the tingles in a silly place

It starts in my toes, and I crinkle my nose
Where ever it goes I always know
That you make me smile, please, stay for a while now
Just take your time wherever you go"

Hindi ko na naituloy pa yung susunod dahil biglang nagsalita si Drey. "Chubs wag kang ganyan! May kinikilig doon sa harapan eh!" saka humalakhak nang humalakhak.

Tiningnan ko naman si Jeth sa tabi ko. Napansin kong umiiwas siya ng tingin sa akin. "Nako! Nako! Wooshooo! Kinikilig si Lover Boy!"

"Ha? Hindi naman ako kinikilig." natatawa ako sa reaksyon niya. Ayaw talaga niyang tumingin sa'kin.

"Ako'y kinikilig

Pag ika'y lumalapit

Ako'y nanginginig"

"Maglubay ka Drey Adriano! Masasapak kita!" inis na sigaw ni Jeth.

"Nako! Padala mo na Chubs sa mental yan! Nabaliw ata sa boses mo!"

"Isa pa Drey Adriano! Ilalaglag kita!" 

Napangisi pa ko sa inasta niya. Bigla siyang tumingin sa akin kaya dali-dali kong iniwas 'yong tingin ko.