White in the red heart
💞19💞
ယွမ်အန်မြို့မှအထွက် ခါးချိတ်ကလေးများ ရောင်သောဆိုင်တစ်ဆိုင်အား ပိုင်ရှီး တွေ့လိုက်သည်။ ရောင်စုံအဆောင် ခါးချိတ်အစုံအလင်ကို တွေ့တော့ ရှုပင်းခန့်ကို ပြေးသတိရသွားတာနဲ့ ရှုပင်းခန့်ကို လက်ဆောင်အဖြစ် ဝယ်ပေးရန် ဆုံးဖြတ်လိုက်သည်။
"ဆိုင်ရှင်....ကျွန်တော့်ကိုအဲ့ဒီအနီရောင်အဆောင်လေးပေးပါ..."
"ကောင်းပါပြီ..."
ဆိုင်ရှင်အမျိုးသားက အဆောင်တွေ အများကြီးထဲကမှ အနီရောင်ခါးချိတ်အဆောင်လေးတစ်ခုကို ယူ၍ ပေးလိုက်သည်။ ဆိုင်ရှင်က လက်ကလေးဆုပ်လျက် ပိုင်ရှီးကို မေး၏။
"ဇနီးသည်အတွက်လား..."
"ဟင်..."
"အော်....ကျုပ်ဆိုင်ကိုလာဝယ်တဲ့လူတော်တော်များများက...အနီရောင်ကိုရွေးကြတယ်...သူတို့ရဲ့ကြင်ယာဖက်အတွက်တဲ့.."
"အော်..."
ပိုင်ရှီး ပြုံးလိုက်ပြီး
"အဲ့လိုမဟုတ်ပါဘူး..."
"အဟဲ....ဟုတ်ပါပြီ....ငွေငါးစကျပါတယ်..."
ပိုင်ရှီး သူ့အိတ်ထဲကနေ ငွေငါးစထုတ်ပေးလိုက်သည်။ ထို့နောက် ချင်းမင်းရွာကလေးသို့ ဖြည်းဖြည်းချင်း လမ်းလျှောက်ပြန်လာခဲ့၏။ တောလမ်းကလေးပေမယ့် လှည်းလမ်းကလေးဖြစ်တာကြောင့် လမ်းကဖြောင့်ဖြူးပြီး ကျယ်ဝန်းသည်။ အဖြူရောင်ပိုးသားလွင့်လေးက သူ၏ငွေရောင်ဆံနွယ်ကဲ့သို့ပင် လေ၏ခေါ်ဆောင်ရာနောက် လွင့်ပါနေ၏။
ထိုစဉ် သူ့အနားကို ဓားပျံစီး၍ အစိမ်းရောင်ဝတ်ရုံနဲ့ လူတစ်ယောက် ရောက်လာသည်။ ထိုသူ၏ မျက်နှာထက်တွင် ဖော်ပြမရသော ခံစားချက်တို့က နေရာယူထားသည်။
"အစ်ကိုရွှမ်း...."
ပိုင်ရှီး အံ့အားသင့်စွာ ရွတ်ဆိုလိုက်သည်။ ရွှမ်းကော အနောက်တွင်လည်း ဖန့်မင်အတူ ပါလာ၏။ ရွှမ်းကော သွားရာနောက် လိုက်တတ်တာ ဖန့်မင်အကျင့်တစ်ခုပင်။
"ဖန့်မင်ကော...ပါတာပဲ...အစ်ကိုတို့ဘယ်သွားကြမလို့လဲ..."
"မင်းဆီကိုလာလည်တာ..."
أنت تقرأ
White in the red heart(ခိုနားခွင့်လေး )Complete
العاطفيةဒီဇာတ်လမ်းလေးကနှင်းသွေးရဲ့စိတ်ကူးယဥ်သိုင်းဇာတ်လမ်းလေးတစ်ပုဒ်ပါ..နှင်းသွေးရေးတဲ့သိုင်းစာစဥ်တွေထဲကပထမဆုံးboyloveတစ်ပုဒ်လည်းဖြစ်ပါတယ် ကောင်းကင်ဂိုဏ်းကသိုင်းနတ်ဘုရားလိုတင်စားခံရတဲ့ကောင်းကင်ဂိုဏ်းတပည့်ပိုင်ရှီးနဲ့ နတ်ဆိုးသွေးနှော ရှုပင်းခန့်တို့ကြားက ဇာတ...
