Unicode
White in the red heart
💞 42💞
သို့နှင့် ညချမ်းအချိန်ရောက်တော့ သူတို့လှည်းကလေး မြို့တစ်မြို့ထဲ ဝင်လာခဲ့သည်။ မြို့ထဲတွင်လည်း နှင်းများဖုံးလွှမ်းနေသောကြောင့် မချော်အောင်သတိထားနေရ၏။ ရှုပင်းခန့် တည်းခိုခန်းရှေ့ရောက်တော့ လှည်းကိုရပ်လိုက်ပြီး အထဲဝင်လာလိုက်သည်။
"ကိုကိုကျွန်တော်အခန်းသွားငှားလိုက်အုံးမယ်....ဒီမှာနေခဲ့နော်...."
"ကောင်းပြီ"
ရှုပင်းခန့် ငွေထုတ်ကိုယူကာ တည်းခိုခန်းထဲ ဝင်လာခဲ့၏။ ပေသီးများဖြင့် ငွေစာရင်း တွတ်နေသော ဆိုင်ရှင်အမျိုးသားဆီသို့ တည့်တည့်လျှောက်လာပြီး
"ဆိုင်ရှင်....အခန်းနှစ်ခန်း...."
"ရ....."
ဆိုင်ရှင်က ခေါင်းမော့ကြည့်လာပြီးနောက် တမဟုတ်ချင်း မျက်နှာအမူအရာက ပြောင်းလဲသွားသည်။ ကြောက်ရွံတာကော၊ ဒေါသထွက်တာကော ရောယှက်ကာ သူကအော်တော့သည်။
"လာကြစမ်း....ဆံနီမိစ္ဆာငါတို့ဆီရောက်နေတယ်...လာဖမ်းကြ...."
အလုပ်သမားများ အားလုံးက ကိုယ်စီလက်နက်များဆွဲလျက် သူ့ကိုဝန်းရံလိုက်ကြလေ၏။ ရှုပင်းခန့် အံ့သြသွားခြင်း မရှိပါ။ ဒါသူ့ကို တစ်စုံတစ်ယောက်က ခြောက်ချတာပဲလေ။ သူလက်ထပ်ပြီးကတည်းက ဘယ်လူသားကိုမှ ထိခိုက်နာကျင်အောင် မလုပ်ခဲ့ပါ။ လူသားတွေကတော့ သူ့ကိုစက်ဆုပ်ရွံရှာသော အကြည့်များဖြင့် ကြည့်နေကြသည်။
ရှုပင်းခန့်က မေးလိုက်၏။
"ဘာလုပိကြတာလဲ....ငါလူမသတ်ချင်ဘူး.. "
"တွေ့လား....သူလူသတ်ဖူးတယ်...."
"ဟုတ်တယ်....သူကဆံနီမိစ္ဆာပဲဖြစ်ရမယ်....သူ့ဆံပင်ကိုကြည့်လိုက်...."
"ဟုတ်တယ်...."
"သူ့ကိုသတ်....."
"သူ့ကိုသတ်...."
လူတွေက ဝိုင်း၍အော်ဟစ်လာလေရာ အပြင်ဘက်က ပိုင်ရှီးနဲ့လင်းမုသန်းလည်း ထိတ်လန့်သွားရသည်။
"ပင်းအာ....."
"အစ်ကိုမသွားနဲ့....ညီမသွားကြည့်လိုက်မယ်...."
ပိုင်ရှီးအား လှည်းပေါ်မှာထားခဲ့ပြီး သူမတည်းခိုခန်းထဲ ပြေးဝင်လာခဲ့သည်။ ပိုင်ရှီးတို့မသိလိုက်တာက လှည်း၏ထောင့်တစ်နေရာရှိအပေါက်ကနေ မီးခိုးငွေ့တစ်ချို့ ဝင်လာတာကိုပင်။ လင်းမုသန်း အထဲရောက်တော့ လူတွေကရှုပင်ခန့်အား အကြီးအကျယ် အထင်လွဲနေကြပုံပင်။
YOU ARE READING
White in the red heart(ခိုနားခွင့်လေး )Complete
Romanceဒီဇာတ်လမ်းလေးကနှင်းသွေးရဲ့စိတ်ကူးယဥ်သိုင်းဇာတ်လမ်းလေးတစ်ပုဒ်ပါ..နှင်းသွေးရေးတဲ့သိုင်းစာစဥ်တွေထဲကပထမဆုံးboyloveတစ်ပုဒ်လည်းဖြစ်ပါတယ် ကောင်းကင်ဂိုဏ်းကသိုင်းနတ်ဘုရားလိုတင်စားခံရတဲ့ကောင်းကင်ဂိုဏ်းတပည့်ပိုင်ရှီးနဲ့ နတ်ဆိုးသွေးနှော ရှုပင်းခန့်တို့ကြားက ဇာတ...
