#Unicode
အလင်းတို့ ကိုးတန်းဖြေပြီး ငါးရက်ကြာတော့ ကျူရှင်တွေ စတက်ကြရတယ်။ မေမေအရင်ပြောခဲ့သလိုမျိုး အလင်းက မဟာကိုယ်ပိုင်အထက်တန်းကျောင်းမှာ မတက်ဖြစ်ခဲ့ပါဘူး။ မေမေကိုယ်တိုင်က အလုပ်မထွက်ချင်သေးတာရော အလင်းအတွက်ပါ စိတ်ပူတာမို့ အလင်းတို့အိမ်မှာပဲ အလင်းရယ် သုတရယ် အာကာရယ် နွေရယ် လေးယောက်တစ်ဖွဲ့ ဆရာသီးသန့်နဲ့ ကျူရှင်ဝိုင်း တစ်ဝိုင်း ဝိုင်းဖြစ်ခဲ့ကြတယ်။
မုန်းလည်း အလင်းတို့နဲ့အတူတူ စာသင်ချင်ပါတယ်။ မုန်းဖေဖေ့ကို ဘယ်လိုပြောရမှန်းမသိသလို ပြောဖို့ကိုလည်းကြောက်တယ်။ ကြောက်ကြောက်နဲ့ပဲ ပြောရတော့မှာပါ။
“ဖေဖေ”
“အင်း”
“အလင်းတို့အိမ်မှာ ဖေဖေငှားထားတဲ့ ဆရာတွေ ဆရာမတွေပဲ ပြန်ဝိုင်းထားတာမို့ သားအလင်းတို့နဲ့အတူတူ တစ်ဝိုင်းတည်း စာသင်ချင်လို့ပါဖေဖေ”
“ငါက မင်းတစ်ယောက်တည်း အနှောက်အယှက်မရှိ အေးအေးဆေးဆေး သီးသန့်စာသင်လို့ရအောင် ပိုက်ဆံအကုန်အကျခံပြီး ဆရာသီးသန့်ဝိုင်းထားတာမုန်း။ အိမ်မှာပဲ အေးဆေးသင်”
“ဟို ဆရာတွေ ဆရာမတွေက အလင်းတို့ဆီကနေ ကျွန်တော့ဆီကို လာသင်ကြတာဆိုတော့ နှစ်ခါခွဲသင်ရသလို ဖြစ်နေလို့ပါဖေဖေ။ အလင်းတို့နဲ့ပေါင်းသင်ရင် အချိန်လည်းပိုထွက်ပြီး စာလည်းပိုသင်နိုင်မှာ ဖေဖေ။ တခြားသူလည်း မပါပါဘူး။ အလင်းရယ် အားသစ်နဲ့သုတရယ် နွေရယ် လေးယောက်ပဲ ရှိတာပါ ဖေဖေ”
“သားလေး အလင်းတို့ဝိုင်းနဲ့ တစ်ဝိုင်းတည်း သင်ချင်ရင်သင်လေ။ မေမေ ဆရာတွေ ဆရာမတွေကို ပြောပြီးပေါင်းလိုက်မယ်”
“ဟုတ် ကျေးဇူးပါမေမေ”
မေမေပြောတော့ဖေဖေက ဘာတစ်ခွန်းမှ ဝင်မပြောတော့ပေ။ မုန်းတို့အိမ်က ဒီလိုပဲ မေမေလုပ်တဲ့အလုပ်ကို ဖေဖေကတစ်ခွန်းမှ ဝင်မပြောသလို မေမေကလည်း ဖေဖေ့ကို တစ်ခွန်းမှမပြောပါဘူး။ တစ်အိမ်တည်းနေပြီး တစ်စားပွဲတည်း ထမင်းစားပေမယ့် ဖေဖေနဲ့မေမေက စကားမပြောကြပါဘူး။
YOU ARE READING
မုန်းရဲ့အလင်းရောင်
Romanceသူငယ်ချင်းဆိုတဲ့ အဖြူရောင်အလွှာလေးကိုငါအရောင်တွေစွန်းထင်စေမိပီအလင်း မုန်း(မုန်းမာန်) သူငယ်ချင်းဆိုတဲ့တံတိုင်းကိုငါကျော်ဖို့မရဲဘူးမုန်း အလင်း(အလင်းရောင်) သူငယ္ခ်င္းဆိုတဲ့ အျဖဴေရာင္အလႊာေလးကိုငါအေရာင္ေတြစြန္းထင္ေစမိပီအလင္း မုန္း(မုန္းမာန္) သူငယ္ခ်င္းဆိ...