_ ស្រមោលខ្មៅនាពេលយប់បានរះឡើងជំនួសឲ្យពន្លឺពេញមួយថ្ងៃហើយក៏ជាពេលមួយដែលមនុស្សជាពិសេសពួកយុវវ័យចូលចិត្តនាំគ្នាដើរហើរសប្បាយ អ្វីដែលជាគោលដៅធំរបស់ពួកគេនោះគឺច្បាស់ជា បណ្ដុំក្លឹបរាត្រីដែលមានភ្លេងរាំ Hip-Hop ព្រមទាំងភ្លេងញាក់កំដរអារម្មណ៍នោះហើយ ។
< ង៉ឺត!! > ឡានទំនើបពណ៌ខ្មៅដែលទើបនឹងចេញលក់កាលពីម្សិលមិញ ថ្ងៃនេះក៏បានមកឈប់នៅចំពី មុខក្លឹបរាត្រីមួយកន្លែងហើយក៏មិនប្លែកថាឡានថ្លៃៗ បែបនេះមាននរណាជាអ្នកបើកដែរក្រៅតែពី Min Yoongi កម្លោះសង្ហារម្ចាស់ក្រុមហ៊ុនរថយន្តដ៏ធំរបស់កូរ៉េនោះ ។
« អឹស!! ខោស្អីក៏រឹបម្ល៉េះនៀក? » សម្លេងរអ៊ូចេច ចាចរបស់ក្មេងតូច Taehyung ក្រោយពេលទប់ខ្លួនចុះពីឡានទាំងវេទនា ព្រោះតែគេខ្លួនឯងនេះហើយជាអ្នករៀបចំផែនការឲ្យ Yoongi នាំគេនិង Jimin មកក្លឹបនេះដើម្បីសងសឹក Karen តែអ្នកណាទៅដឹងថាគេខ្លួនឯងសោះជាអ្នកវេទនាព្រោះតែអាខោរឹបរាង ដើរមិនចង់កើត ថ្នាក់គេមាឌល្អិតប៉ុណ្ណេះហើយនៅ វេទនាទៀត គួរឲ្យខឹងមែន!!
« នែ៎កុំរអ៊ូពេកមើល នេះយើងលឺឯងរអ៊ូតាំងតែពីនៅ លើឡានចង់បែកក្រដាសត្រចៀកហើយ » Jimin ថាឲ្យទាំងធុញតិចៗរីឯ Yoongi វិញគិតតែពីញញឹមមើលក្មេងទាំងពីរតសម្ដីគ្នា ចេចចាចតែក៏គួរឲ្យ
ស្រឡាញ់ម្យ៉ាងដែរ ជាពិសេសពេលនេះនាយស្លៀកខោខូវប៊យខ្មៅជាមួយអាវស្បែកនិងស្បែកជើងប៊ូ សង្ហារសមឥតទាស់មិនម៉ឺងម៉ាត់ដូចសព្វដងព្រោះតែ បាន Tae គេជួយតុបតែងឲ្យ ។
« ហើយអ្នកណាទៅដឹងថាខោនេះវារឹបយើងហប់ចង់ស្លាប់ ឯងមិនស្លៀកដូចយើងចេះតែមិនរអ៊ូបានហើយ » Tae តបវិញទាំងមុខស្អុយប៉ែ ។
« អឺៗ យើងខុសក៏បាន » Jimin
« យ៉ាងម៉េចក្មេងៗទៅរួចឬអត់? បើមិនរួចទេពួក យើងត្រឡប់ទៅវិញក៏បានដែរ » Yoongi និយាយឡើងព្រោះទីនេះជាក្លឹបមានតែពួកមិនល្អភាគច្រើនចូលទៅ ម្យ៉ាងគេធ្លាប់លឺថាក្លឹបនេះឧស្សាហ៍មានគេ បង្ករឿងមិនចេះតិចដងបានជាបារម្ភក្មេងស្អាតៗដូច Tae និង Jimin ត្រូវមានបញ្ហា ។
« មិនបានទេជ្រុលជាមកដល់ហើយត្រូវតែធ្វើឲ្យបានសម្រេច ពូធ្លាប់លឺគេនិយាយទេថាសឹមៗកុំបំបោលក្រែងពុំដល់ដូច...ដូចស្អីគេអញ្ចេះ? » រាងល្អិតនិយាយយ៉ាងហំហានតែឃ្លាចុងក្រោយនឹកមិនឃើញបានត្រឹមអេះក្បាលទើប Jimin ជួយបន្ថែមឲ្យ ។
YOU ARE READING
꧁អេតាស៊ីវិលក្លែងក្លាយ꧂ (Completed)
Romanceអេតាស៊ីវិលជាកិច្ចកុងត្រាដែលភរិយាស្វាមីធ្វើការចុះហត្ថលេខាដើម្បីបញ្ជាក់និងធ្វើជាសាក្សីសម្រាប់ស្នេហាដ៏ស្មោះស្ម័គ្ររបស់ពួកគេទាំងពីរនាក់ ប៉ុន្តែចុះបើសិនជាអេតាស៊ីវិលមួយនោះគ្រាន់តែជាការបិទបាំងពីក្រោយកិច្ចសន្យារបស់ពួកគេទៅវិញ តើគ្រប់យ៉ាងនឹងក្លាយទៅជាបែបណា? ꧁...
