🌛رمضان كريم 🌜
💞 💎 ياقوت 💎 💞
فاقت صباح على لا لاغم ⏰ديال تيلي مع الفجر مع كاياذن فالشتاء معطل مشات للدوش طرفات حالتها وتوضات ورجعات بالزربة لبيتها جبدات سروال اسود لاسق عليها وقبية فالاحمر مفتوحة من جناب وفيها سيور فالقب دارت كبوط اسود ديال لبارح ودي بوط قصار فالاسود طاقية بكاشكول فالاحمر دارت فشكارتها لكتوبة لي غاتحتاج ومشات هزات نصف لتر ديال الحليب فيضاتو ودارتو فتيرموس لي كاتكون بحال كأس وخرجات للكوزينة وجدات ليهم الفطور فوق الطبلة ومشات باش يالاه تشد طوبيس فالوقت 7 كانت واقفة فالبلاكة جا طوبيس ديال الطلبة ركبت فيه كان خاوي بحكم بلاكتهم هي الثانية من بعد تيرمينيس وصلات لمقصودها هبطات وزادت على رجليها حتى للمدرسة
طونوبيل تنسيك فالاخرى ولباس ينسيك فلباس كلهم ولاد الكيكة وحليب الميكة (ولاد الفشوش زعما ) تمشات مامسوقاش وهما كل واحد وكيفاش كيشوف فيها وصلات للقاعة لي عندها فيها الكوغ كانت خاوية هي لولى غادخل تنفسات بضيق ومشات للقدام وجلسات حتى بانت ليها شروق الرايس من عائلة غنية آب محمد عندو مجموعة شركات داخل وخارج البلاد وأم مريم قاضية والدين هند وختها صغيرة ناهدة هي لي كتهضر معاها وبقات حتى ولات صحبتها
شروق سخفانة 😥😥جات سلمات عليها وجلسات:الله يا ختي غانموت غانموت
ياقوت مبتاسمة على حال صاحبتها:ماااالكي تاني ا شروق
شروق: عييت ا ختي من لفياق بكري تمارة هاد لقراية انا كنت باغا غير ليصونص نتي لي بقيتي عليا حتى درت الماستر
ياقوت: ومالكي هانتي كتقراي باش ملي يخلي ليك باك الشركات تعرفي اش ديري
شروق: صافي ا ختي انا غانبيعهم ونشري شي جزيرة عرفتي محمد غايولي بحال داك الفيلم ديال كبوطي كبووطي هههههه غايبقا يقول شريكاتييي شاااريكااااتي(بقات كتعيبو ويضحكو بجوج صدى صوتهم كتعاود حيت غير بوحدهوم حتى بداو كيدخلو الطلاب)
ياقوت: سكتي يعطيك مصيبة ويلي كلشي كيشوف فينا
جاو من وراهم واحد لاكليك فيها بنات وولاد مكيحزقوش بالعياقة فاتي وهي قاصدة تجرحها: ياقوت حبيبة طاتي بغات دير ميناج كبير لفيلا ديالها وبغات شي خدامة غير فالويكاند تعاون خداماتها وفكرت فيك
شروق كانت باغا طير عليها تريشها حتى شدتها ياقوت: اه واخا نيت شكرا ملي فكرتي فيا
الكل: 😮😮😮😮
💞💎💞💎💞💎💞💎💞💎💞💎💞
دبا هاد فاتي اش بغات ؟
كيف جاتكم صداقة شروق وياقوت ؟
كيف جا كم تصرف ياقوت ؟
YOU ARE READING
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
