💞💎ياقوت💎💞 ( مكتملة )

الجزء 12

                                 🌛 رمضان كريم 🌜
    
                               💞 💎 ياقوت 💎 💞
                                      

ديال مينة وديال إدريس لي غير شافها بديك جلابة ومشيتها لي كلها انوثة والخير غير مشتت تحصر حيت ماشي نصيبو وفرح حيت حتى حد ماغاياخدها(أناني وغير تيق باها نتا قالك تا حد ماياخدها بغيتي لبنات يريشوني)ولكن نتابه لمشيتها ماشي هي هادي عرفها كتعرج ولكن غير زادتها تلواز هههه ووجهها مطبع حقد عليهم وخرج مشا لصالون فين كيفطرو عائلته مجموعين
إدريس" اااا باااا واااا امي واش ماديروش حتى محاولة أخرى
ح عبد الجليل: انا هاداك الحيوان ديال باها مانوصلوش لبارح صبرت على قبلك وقبلها
ح رقية: اه ا ولدي وحتى أمها ماشي كبرانية لبنت حقا ما فيها ما يتعاب ولكن دوك الناس ا ولدي راه قاطعين يدهم من يد الرحمان
شيماء:ا ه ا ماما بصح البارح قالت ليا ليلى لي كاريا عندهم سمعو صوتها هلكوها عصا حتى قطعات الحس كيصحابهم غير ماتت
إدريس:اه بصح يالاه بانت ليا خارجة كلها ضرابي فوجهها
ح عبد الجليل: لا حول ولا قوة إلا بالله العلي العظيم هانتا ا ولدي شرينا ليها حتى الصداع هيا خلي عليك البنت
إدريس ما عجبو حال هو حاط عينيه عليها من صغرو وباغيها ليه ولكن ماغايسكوتش على هادشي غيشوف حل آخر
عند مينة لي من بعد ما بقات متبعة ياقوت حتى غبرات سمعات صوت سيارتهم ضورات وجهها بان ليها إبراهيم ناضت بالخف قادات شعرها اما الماكياج راه باقي واخا عينيها دابلين ومشات فيقات ولادها حطات ليهم ما يلبسو ودوشات بواحد الريحة كانت حاطاها تما ومشات الكوزينة كتقاد الفطور زعما سمعات ساروت ضار وخطوات ديالو مشا نيشان للبيت بلا مايشوف فيها جاو ولادها فطراتهم ولي شاط دارتو ليهم للgوتي للمدرسة وصدراتهم خلات ديك الكوزينة كتشطح
ومشات للبيت لقاتو يالاه خارج من الدوش راجل فالأربعينيات طويل وغليض شوية بشرة سمراء رجولية شعبان شيب كيما كنقولو عيون خضراء كان لابس غير لبوكسر مدلية عليه شوية الكريشة وكيمسح شعرو مينة عينيها خرجو فيه كيبان ليها غير هو هي ومشات خدات ليه الفوطة كتمسح ليه شعرو وتمحكك عليه وهو عاجبو الحال مستحليها ولكن مامبينش بقات هكاك حتى شوية طلقات الفوطة وهبطات يديها بدات كتلمس فيها حتى سمعات ااه خرجات من فمو فرحات  ولكن هو لا دفعها من عليه معصب وهز الفوطة كمل مسيحو
ابراهيم: مامساليش ليك دبا كاين شي فطور ولا حادgة غير فالتقح**
تم قصف جبهة مينة بنجاح بقا فيها الحال كيما العادة: دبا نجيب ليك هنا
إبراهيم: هي دبا
مينة جات خارجة غير وصلات الباب رجعات طارت على فمو تبوس وتجر وتعض حتى تجاوب معاها حط يدو على طرماحتها كيعجنها وهي حامياها غوات زاد بيها للناموسية وكيطير فالحوايج حتى بقات صولو لاحها فوق ناموسية وغطس فيها كيعض غير حس براسو قرب يجيبو طلعو معاها حتى لزداg اداg خواه فيها ماتصوقش ليها هي ناض من عليها مخليها كتلوا مزال كتقلب على شي حاجة ناقصاها
إبراهيم: نوضي وجدي ليا الفطور
نزلو دموعها بغزارة بقات تما مليوحة عاد ناضت للكوزينة وجدات ليه الفطور بجنابتها خلاتو ليه فوق الطبلة ودخلات للدوش لي برا تكمل فيه نحيطها خرج هو من البيت مبدل مريح مزيز مشا فطر راشقة ليه شابع حلوة بالليل وزاد هادي على الصباح

              💞💎💞💎💞💎💞💎💞💎💞💎💞
ايوة لي بغيت ليكم راه فيكم يا رباعة ناقصة