💞💎ياقوت💎💞 ( مكتملة )

الجزء 22

                                  🌛 رمضان كريم 🌜

                                💞 💎 ياقوت 💎 💞
                                       

بدات تعجن فالحلوة تنقص عليها الشغل صيبات 4 شكيلات حطاتهم وصايبات لا باط ديال بيتزات صغار ووحدة ديال الكيش قاداتهم وحطاتهم فالفريgو باش ملي يكونو جايين يجيوها ساهلين فالعمارة والحلوة بدات تعمرها فالصطولة حتى دخلات مينة
مينة كضور عينيها هنا وهنا: صايبتي الحلوة مزيان 4 شكال مزال خاصك تزيدي وراك عارفاها كتبغي حتى المالح ديري شي تخربيقة مالحة
ياقوت: انا درت لا باط ديال البيتزا والكيش حتى نصايب شي حاجة اخرة
مشات ياقوت للسطاح خدات هاداك الكوفرلي صبناتو الشتاء عليها عاد الماء مgلاصي وكتفرك صباعها ولاو دمايات نشراتو فواحد جيهة ماواصلهاش الشتاء ونزلات كتحس برأسها غادي طيح واقفة غير دخلات البيت بان ليها تيلي كيصوني ياقوت هزاتو دارتو على ودنها من بعد ما شافت نمرة
ح.زينب: ا بنتي ياقوت كيف وصلتي
ياقوت: بخير ا لالة شكرا
ح.زينب: رجعنا تاني ل لالة عيب عليك(تقلقات وحسات بيها ياقوت)
ياقوت: ولكن ا خالتي الحاجة حاطا ليا خلاص شهرين فنهار انا ماشي عاودت ليك باش تعطيني الفلوس ولا باش تشفقي عليا
ح.زينب خنزرات: شكون قاليك انا شفقت عليك هادوك الفلوس ما عطيتهومش ليك حيت شقيتي ولا حيت بقيتي فيا نتي عتبرتك بنتي لي ماولدتش من كرشي ودبا سمعي نقوليك نهار لي نعطيك شي حاجة وتفهمي بلي راني عطيتها ليك شفقة ولا شي حاجة هاكا نتفاهم معاك
قطعات معاها ياقوت هي مامولفاش شي حد يتعامل معاها بحنية من غير عائلة با محماد وشروق وهادشي من بعد صراع طويل شروق خدات منها عام باش قدرات تبدأ طلق معاها ويتعاودو اما ح.زينب ماكاملاش نصف نهار ضغيا تاقت فيهم وحباتهم كتفكر وكتاكل حاسة برأسها غادي تمرض ناضت خدات دوش سخون ولبسات بيجامة سخونة ومشات لبيتها خوتها نعساتهم أمهم وبقات تسنا فابراهيم عاد مشاو ينعسو حتى هما
فاقت ياقوت على رأسها لي كيمشي ويجي ضربها البرد ولكن هي فاش كتمرض ماكاتعقلش عليها أمها واخا تكون كاتموت ناضت قالت ليها اش غايخصها يجيبوه ليها خوتها مزال ناعسين هادشي عاونها باش ضغيا خملات داك السيجور وضارت بصالون حتى هو عاد مشات تصايب المملحات
مع آخر لاطة مع دخلات مينة وإبراهيم لقاو الدار كتشقشق بالنقا وريحة المملحات كاسرة الدنيا بنكهاتها حطو التقضيا لي كانت تقضيا نيت ديال عندي ومعايا
إبراهيم: سربيو غدا غادي يكونو هنا وغدا عندها راه هي صباح بكري
خرج وخلى مينة كتولول اما ياقوت واخا هاكاك مامسوقاش ما كملات حتى ل الليل عاد سالات وجدات حتى اش يحطو فالفطور
دبا أجي نقوليكم على هاد عمة إبراهيم شكون هي عمتو الوحيدة تزوجات صغيرة براجل شارف ماكايولدش المرة لي جاب كتمشي حيت المشكل منو حتى جاب زهرة كانت مزال صغيرة ما عارفة والو وهو كان بقات ليه غير دفعة دوزات معاه شهرين وعgدهم وخلا ليها فاسمها gاع ممتلكاتو بقات مدة وهي غير مع عائلتها حتى دارت عقلها والسن القانوني وناضت رجعات للمدينة كرات ديور والماgازات وبقات عايشة فوحدة من الديور كان إبراهيم ولد خوها هو لي كيمشي عندها قبل مايتزوج وملي بغا يتزوج هي لي عاوناتو حتى شرا الدار وشرا الماطيريال باش يدير المصبنة من بعد ملي تزادت ياقوت ومن وراها خديجة جات قالت ليهم غادي ناخدها خداتها من صبيطار نيشان السبوع دارتو ليها فدارها وكتجيبها فالعطل

                  💞💎💞💎💞💎💞💎💞💎💞💎💞
كيف غادي تكون علاقة ياقوت ب اختها خديجة فنظركم