🌛 رمضان كريم 🌜
💞 💎 ياقوت 💎 💞
ياقوت بغات تتهرب من الجواب ولكن علاش غادي تهرب هادي غير امرأة كبيرة وسولات غير حيت بقات فيها والا تهربات عاد غادي تفهمها عوجة اللهم تقولها
ياقوت بابتسامة مريرة من بعد تفكير: غير ماما وبابا إ
ح.زينب: اشمن أب وأم هادو وعلاش بالسلامة
ياقوت:.....
نخليوها تخوي قلبها ونمشيو نشوفو اشمن آب وأم كانت مينة خرجات من الدوش من بعد ما كملات بكاها مالقاتش حسو فالدار مشات بعياء لبيتها جبدات بيجامة كولون ديال النمر لاسق مع الفوقي ديالو بالقهوي ولات كتبان بحال شي قنبولة مشات نشفات شعرها وبوكلاتو من لتحت دارت ماكياج ثقيل لبسات شي تويشيات ديال الذهب عامت بالريحة وقادت ديك الناموسية تقول دازت فيها الحرب ومشات الكوزينة لقاتو فطر والكوزينة كتشطح كانت بغات تخليها ل ياقوت ولكن بغات تلاهي مخها حيت غادي تبقا تفكر
وهي على حالها سمعات لباب تحل وهو جاي بالزربة وقف فباب الكوزينة كيشوف فيها بنظرات شهوة ماشي ديال زوج لزوجته أو حبيب لحبيبتو لا بحال زير نساء لعاهرته إبراهيم جا وقف من وراها حط حرامو عليها وبقا كيتمحكك وهي مرخية ليه هز يديه لشعرها جمعو الفوق وبدأ كيوزع بوسات على عنقها ملي شاف راسو ما غايساليش جرها من وراه بحال الكلبة عاود ليها ما دار ليها صباح وهي بحال الصنم
إبراهيم وهو مزال متكي وهي حداه: كنا جينا نقولو ليك خبار شوف فين وصلنا
مينة تبسمات بحال ايلا لقات درهم: ياك لباس ا سي إبراهيم
إبراهيم ضار جنب شاف فيها كيفاش تجخمر داك الماكياج فوجهها: لا والو باس عمتي غادي تجي من هنا يومين ولا ثلاث ايام وجدو ليها
مينة نزل عليها الخبر بحال الصاعقة ما عرفات ما تقول بان ليها خنزر فيها وناض لبس كالسو ديالو وغادي للدوش تاني(وكيقولو ياقوت لي كضيع الماء والضوء بالدوش الله يمسخكم)عاد نطقات هي بالله يجيبهم على خير وناضت كتولول غير خرج مشات دوشات تاني وعاودات نفس النازلة ومشات كتقلب على تيلي تصوني على ياقوت تجي تفكها هاد عمة راجلها الوحيدة كدوزها عليها وماكتحملهاش وهي لي واخدة خديجة مربياها ولي طيباتها ما تعجبها من غير طياب ياقوت هاد الأخيرة لي ماكاتجاوبش فتيلي حيت كيتغداو فقصر الحاجة والحاج
ح.زينب: كولي ا بنتي ما تحشميش
ح.يونس: ايلا حشمتي كرشك غادي تحاسبك
هادو هما عائلة الإدريسي ناس ضراف هو عايش غير مع مرتو ولادو بجوج حسب قولو ما كيجيوش بزاف داكشي باش هاد المساعدات هما بناتهم والناس لي خدامين معاهم هما عائلتهم ملي ما كايكونوش ولادهم كياكلو معاهم فطابلة واحدة ويجمعو معاهم ياقوت من بعد ما تغداو وجمعات معاهم الطبلة قررات تمشي مشات ودعات لبنات لي كلهم ضريفات ومشات عند الحاجة والحاج
💞💎💞💎💞💎💞💎💞💎💞💎💞
ايوة هااا خديجة جاية اخت ياقوت كيف غادي تكون علاقتهم فنظركم اا البنات
أنت تقرأ
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
