💞💎ياقوت💎💞 ( مكتملة )

الجزء 59

🌛 شمس الغريب 🌜

💞 💎 ياقوت 💎 💞

ملي كانت جاية وهي كطالع على آخر الأخبار كما العادة بانت ليها صورة لي قلبات ليها المعدة على صبيح سيدي ربي صورتين منفصلتين ليه هو 'مصعب' ولهاد خيتي لي شافت 'نوار' وكاتبين فالعنوان 'هل عائلة رمزي ستستمر بالمحافظة على عادتها وتقليدها' ما فهمات والو وكانت جاية تستفسر رغم أنه المقال مذكور فيه الإرتباط وعامر داك المقال قلوبة وما إلى ذلك لكن تمالكت نفسها لكن فور ما شافت نوار سولات ربما تكون غالطة ولسوء حظها قالت ليها الكاتبة هادي نوار وهي كانت عاقلة على الإسم الشيء لي خلاها تفقد أعصابها وزادت كملات عليها هي بداك التحلوين الخاوي
مصعب كان ما بيه ما عليه خدام في أمان الله ما عارفش حتى واش نوار كاينة فالشركة على باله بلي راه بقات فالدار أصلا ما عاطيش للأمر أهمية بما أنه حط النقط على الحروف راه ما كاينش شي حد لي غادي يفرض عليه شي حاجة شكون ما بغا يكون حتى كيتصدم بالباب لي تضرب ديك الضربة وفاش هز راسه زادت صدمته بالبركان لي ماشي على وشك الإنفجار تقريبا راه انفجر
وقف كيشوف فيها بنظرات متسائلة لكن ما عطلاتوش ملي طلقات عليه حلاقمها: قووول انت هاك ياااك اا سيهم مصعب طالق علي الشعر صباح مساء وديك المونيكة كتجيبها معاك تشد بيها الخاطر (بان ليها جاي لكن فاتها ومشا للباب طرقو باش يخليها تغوت على خاطرها حيت مكتبه ببساطة عازل للصوت) قلتي بلي الأخبار لي موالفين كيطلقو عليك مجررررد اشااعات (ضحكات بفقصة وشعرها مضارب معها حتى هو) ايييوة بسلامة صحتك اا سي مصعب قريت واحد الإشاعة عليك وانا جاية وانا نضحاااااك قلت شوف حتى المغاربة ما قالوهش ولكن بسلامتك ملي جيت للشركة عندك لقيت نفس الإشاعة كتسارى عندك هنا وباغيا دخل عندك كااااع
زي الأطرش في الزفة ما فاهم ولا حاجة هو متبع أخبار البورصة والشركات المنافسة ولكن الخبر تنشر فمجلة للموضة يعني منين غادي يعرف عاد ما كاينش لي صيفط ليه الخبر حتى من عثمان لي عزيزة عليه التفاهة يمكن مزال ما شافو
مصعب كيحاول غير يكالميها كتنقز ليه من بلاصة لبلاصة: شرووووق جلسي نهضرو
قاطعاته مغوتة: مااا كاااين فاااش نهضرووو انت كداااااب علاش ما تقولش ليا الحقيقة وانا نخرج من حياتك بكل بساطة علاش غير الصباح مسيفط ليا (صوتها مضغوط حابسة البكية ولكن والله ما طلقها نفسها عزيزة) ميساج فيه كيلو ديال حبيبة ورابعة دالهضرة وفالاخير نلقاك انا باغي تحيي العادات والتقاليد وما نعرف اشنو انا راااا
تصرطات ليها هضرتها كاملة فبوسة ولا في الأحلام جمع فمها كله وسط فمه مسكتها فيه والعجيب أنها تجاوبات ومشات معاه ما كانش ضاغط عليها إنما مستمتع ومخليها تستمتع بالبوسة على الآخر يديها لي كانو فالسما مهزوزين عليه كتغوت ولاو محاوطين عنقه وكيداعبه خصلات شعره الذهبية وفمها لي كان كيخرج القرطاس ولا مصدر العسل الحر الأول لسيهم مصعب
دقائق وهما على داك الحال عاد هداه عليها الله وبعد فمه مخلي جبهته كيحركها ببطء فوق جبهتها مخليها مزال تحت تأثيره ويديه تحولو من خصرها لوجهها كيبعد خصلات شعرها المتموج لي مغطيين عليه وجهها الملائكي
بهدوء وبنبرة خلات زغب لحمها كله يوقف ويعطيه السلام: نقدرو نتكلمو دبا بشوية ما فاهمش علاش كتهضري اا حبيبة
كلامه هو لي خلاها تفيق على راسها هزات راسها فيه وانتفضت من عنده وهزات صبعها فوجهه: والله ثم والله ثم والله حتى تزوجني بزز منك ثلاثة البوسات خديتي مني ما يمكنش إلى ما تزوجت بيك انت شنو غادي نقول لراجلي لي غادي نتزوج بيه فين مشاو ليا البوسات الأولين ديالي
ظن أنها كضحك لكن اتضح أنه السيدة من نيتها كتهضر جرها للحضن دياله: والله ثم والله ثم والله ما كاينة شي وحدة من غيرك فقلبي ولا غادي تكون زوجة ليا الا نتي (بدا كيبوس فوق فروة راسها كيمرر أصابعه على خصلاته)
طلقات تنهيدة والضحكة غادي تهرب ليها: شكون هاااد نوااار وعلاش الصحافة كيقولو واش غادي تعاودو تحييو التقاليد والعادات ديال عائلتكم