💞💎ياقوت💎💞 ( مكتملة )

الجزء 36

                                     🌛 رمضان كريم 🌜

                                   💞 💎 ياقوت 💎 💞 
                                          

فاقت لقات راسها بوحدها فالفراش ما حساتش بالوقت كيف داز ناضت مفزوعة فور ما تفكرات بلي يقدر يكون هبط بلا فطور ناضت وهي كتفكر فكلام اختها فاطمة لي كانت كتاكد ليها باش هي لي تبقى طيب وهي لي تقابل ولادها وبلي ياقوت خاص تخلي ليها غير الشقا الغليض باش ابراهيم ما يبقاش مولف غير طيابها وشقاها باش يسهال عليها تجري عليها في اقرب وقت ولكن فنفس الوقت وصاتها باش تهلى فالجمال ديالها وتبقا ديما انتيكة كما كنقولو وتخلي راس ابراهيم ديما مرفوع
تجمعات والبسمة على وجهها مرسومة جمعات الفراش وبدلاته هي gاع طرفات حالتها فالحمام وخرجات ثاني للكوزينة لي باقي نقية فرحات فداخلها ومشات جبدات المسمن من الفريغو لي عاجنة ياقوت قبل ودايرة ليه نصف طيبة خشاته فالميكرووند باش يذوب عاد تكمل ليه الطياب فالمقلة كذلك البطبوط وكتجبد كميات كثيرة وتحط مشات كتجري ل تيلي ديالها جبدات مقادير كيكة حيت ما عارفاش او ناسية او الله اعلم المهم خلطاتها وهي متبعة المراحل ودخلاتها للفرن جبدات براد كبير عمرات اتاي لي جا مسلوق بحال وجهها
رجعات ثاني للبيت دوشات دوش خفيف ومشات طايرة للبلاكار جبدات بيجامة طويلة لبسات بالقهوي غامق وفيها العقيق فالصدر ولكن لاصقة عليها مبينة جميع مفاتنها وقفات قدام المراية كتقاد فشعرها وضحك بحال الهبيلة رشات ريحتها وديودورون صايبات وجهها على حقه وطريقه لبسات ذهبها وزادت رشات الريحة مرة ثانية وخرجات من البيت كتزرب للكوزينة بانو ليها البلاطويات لي وجدات واحد فيه البراد والكيسان والثاني فيها المسمن والبطبوط والكيكة لي صايبات عادية حاطة معاهم الزبدة والفرماج والكونفيتير وزيت العود هزات الصينية ديال اتاي ومشات قاصدة الدروج من بعد ما طلات وبان ليها جالس فوق الكرسي بلاصته الدائمة امام المصبنة
ضار ملفت ملي بان ليه الباب تحل والناس غير كيشوفو فيهم ويقولو الله ياخد الحق خرجتو على الدري باقي غير شاب اشنو فيها كون سامحتوه ولكن شكون سمعهم
ابراهيم مخنزر فيها: ااا صباااح الخيير (حنزز فالصينية) مااالك ملي تعطلتي ناوية تفطري الدرب كله بالسلامة
مينة كتقلب فعينيها وتعض فشفايفها غير بوحدها ولي داز كيتمنضر فيها كبير صغير متوسط: احم هاا هااه هاا سي ابراهيم ااناا غير قلت زعما صدقة صدقة فهاد الخدامين عندك احسن وهبطت ليك الفطور معاهم عرفتك ما عزيزش عليك تفطر بووحدك
رمى داك الكارو وعفط عليه وحط تيلي فوق الكرسي: اراااي هاارااي دييك الصينية وعيطي على ديك عود الند ديال بنت ختك جيبو ليا ولادي ااش غادي يبقاو يديرو عند داك خاايب السيفة ديال عباااس
مدات ليه الصينية وباغيا تهرب قبل لا يقلبها قدام عباد الله: ااناا نجييب لييك بااش دوزو ااتاااي
جارة كانت دايزة من تما وشافت فيهم مخنزرة: يااااو دااايزة لييكم المااكلة تااكلو جغدييد انشاء الله الناس قلبهم محروق ونتوما كتاكلو وباغيين ديرو صدقة يااااخ تفوووو (طلقات الدفلة عند رجليهم وزادت)
مينة بلا عجز هبطات دوك جوج درجات: ااايااااه اا لالة دوووز ليينا وشنو بالسلامة كون دااك الكيضاار قااس بنتي انا لي يتحرق ليا قلبي الله يحرق ليكم جدر انشاااء الله جوورة دالوييل هاااه شوووفي وغاادي نديرو صدقة وجوج وثلاثة لي بين ربي الغدااارة وبينكم على حقيقتكم تريييكة الوييل الله يجعل كيدكم ف نحوووركم