💞💎ياقوت💎💞 ( مكتملة )

الجزء 43

                                    🌛 رمضان كريم 🌜

                                   💞 💎 ياقوت 💎 💞 
                                          

دخلات للبيت كتخبط فرجليها غير بوحدها: الله ياااخوود فيييك الحق ااا الشاارفة الله يديك ونتهنى منك هووووف هووف الحاجة لي فيها زوينة هي فلوووسها الله يغبرها سيري بغيت ربي يطيرك ومنك نتهنى ااااااااع اااااااااع
كانت دايرة المخدة ففمها وكتغوت حتى بح حلقها وروحها كانت غادي طلع اما برا زهرة راسها ضرها باغيا تعرف اش تحت راس بنتها ولكن الطريقة باش تعرف هي لي ما عرفاتش داكشي باش غادي دير الاستعانة بصديق
ح.زهرة: احلااااام ااا المصيييبة زيدي لهنا
لاحت احلام السربيتة من يديها باش كانت كتمسح الكيسان: شي نهاار نقتل هااد الشاارفة ونتبع ليها ديك الدجاجة المنتوفة
منار بهمس: والله الى حتى انا ياا ختي قهراااتناااا
رشيدة خزرات فيهم: سكتوووني اا البنات سيري شوفيها ااش بغاات
مشات أحلام غادي تعواج بالعصاب: نعاام ااا لالة الحااجة
ح.زهرة كتاكل فالغريبة ودوز باتاي: عاام بااش تجي يقطيع ليك جهد (بهمس) ااجي نقوول ليك سيري شوفي بنتي خديجة تحايلي عليها باش تجي تاكل وشوفي اش تحت راسها من جهة الزواج يالاه سيري
احلام تبتات راسها: من الاحسن نشوف منار هي لي كتعرف دير هاد الامور
ح.زهرة خسرات ملامحها: لا ديك بريبرة عيطي عليها هي ورشيدة يجيو ياكلو فينما تهضر معاها تعمر ليها راسها بشي روينة
احلام وقفات غاديا وكتعيب فيها ما كرهاتهاش تموت ويرتاحو: وااخاا اا الحاجة ما يكون غير خاطرك
مشات احلام كتنفخ عيطات على أمها ومنار لي هي فالاصل بنت عمها رشيدة لي ضبرات ليها على هاد الخدمة حيت حتى هي محتاجاها باش تعاون العائلة ديالها ومشات هي للبيت ديال خديجة كدقدق عليها ودخلات بلا ما تسنى الاذن لقاتها مجبدة فوق السرير ديالها غارسة راسها وسط المخاد بقات كطبطب عليها احلام حتى ضارت ليها بحال العافية
خديجة مخرجة عينيها: بعدي مني ااا احلام خرجي عليا وااااش انا خااايبة حتى يوقع فيا هااادشي
احلام باغيا ضحكها: هااي هاااي على خديجة كبرات وبغات تزوج
خديجة جمعات الفراش بيديها: الى ما خرجتش من هاد الدار لدار كبيرة ولا مشيت برا المغرب ما يمكنش نمشي من هاد الدار
احلام كتمشط على شعرها: شكون جرا عليك من هاد الدار نتي راه بنت الحاجة زهرة
خديجة هزات فيها عينيها الباكيين: بغيتي تقولي المونيكة ديالها ياااك

فالمطعم لي جنب البحر ولي غالبا ما كيجيو ليه هي وعائلتها دائما ها هي داخلة ثاني هاد المرة غير هي والاب ديالها الراس فالراس دخلو وجلسو فواحد الطاولة قرب النافذة جر ليها الاب ديالها الكرسي بكل جنتلمانية من بعد ما حيد ليها المونطو ديالها وعلقو فالكرسي لي جنبها وجلس مقابل ليها وعطاو الطلبيات ديالهم للسيرفور
محمد بابتسامة: اييوة اا بنتي شنو مغير حاالك
شروق تبسمات فوجهه دبا عاد فرحات ملي عرفات لي باغيا تعرف: لا والو اا باابا يهديك الله راه غير عقلي مشطون
محمد طبطب على يديها: حتى حاجة ما تستاهل تقليقتك اا بنتي
صيفطات ليه بوسة فالهواء وهي كتحك يديها مع بعضياتهم ملي بداو كيسربيو ليهم الطلبيات ديالهم لي كانو من اختيار باباها حيت عارف شنو كتبغي بنتو عاد شاك بلي هي غيgلي زعما
******       ******       ******       ******       ******      ******  
فنفس المطعم كانو جالسين (مصعب – عثمان – الشريك الجديد) واخدين طاولة وراهم عثمان ومصعب جنب بعضياتهم والشريك مقابل ليهم كيتناقشو فمسائل الخدمة هما والشريك ديالهم حتى هز صدفة راسه وبانت ليه جالسة مقابلة ليه طالقة الضحكة والسيد لي جالس معاها عاطيه بالظهر بقا عقله كيقول ليه حاجة ويعاود يكذبها ثاني
مصعب مع راسه: زعما تكون من داك النوع زعما تكون صائدة للاثرياء ممكن جريئة جميلة مؤنسة والى كانو ناقصينها الفلوس وكتطمح لشي عيشة لي واو اشنو غادي يمنعها من انها تكون فعلا عاهرة او بمعنى لائق مرافقة وحتى السيد لي معاها وكيفاش كتصرف معاه كلشي ممكن باينة رجل غني طاح فالشباك ديالها وهاهي كتنصب عليه ولي طاح فالمقلى يتقلى"
فيقه من السهوة دياله الشريك لي واقف كيودعهم وقف كيسد ازرار الكوستيم وكيتسالم معاه شاف ف عثمان لي حتى هو قشع شروق وكيدير ليه بعينيه شوف لديك الجهة لكن دار راسه ضبع وما تصوقش
مصعب شاف فالشريك: أنا نوصل معاك للباب (غمز عثمان) تكلف بالباقي
خرج وخلاه كيشوف فالغدا لي خاص يخلص لصقو فيه مصعب ومشا بقا جالس وطلب ليهم قهوة ملي جاو يجمعو الطبلة وعلى ما يجيبوها ليه وقف وقصد الطابلة ديالهم هذا هو عثمان راسم على وجهه نفس الابتسامة الجانبية
وقف عليهم هزو راسهم بجوج فيه: السلام عليكم (شاف فيها) انسة شروق (قلب عينيه وهو يتصدم) مسيو الرايس بخير
مد ليه محمد يديه وشير ليه للكرسي: أهلا ولدي عثمان جلس معانا تفضل اش نطلب ليك
باقي ما جاوبش نقزات شروق لي عقلات عليه مزيان وواخا ما تعقلش راه كيشبه لخوه: فييين غااادي يجلس اا بااباا رااه وااقيلة عارض عليا انا
عثمان كيدير ليها بيديه ارتاحي: راني تغديت اا مسيو الرايس بالحق نشرب معاكم قهيوة
شروق شافت ف باباها: ايمتا غادي يتعلن على النتائج
محمد بابتسامة: غدا انشاء الله