💞💎ياقوت💎💞 ( مكتملة )

الجزء 35

                                       🌛 رمضان كريم 🌜

                                     💞 💎 ياقوت 💎 💞
                                            
تشتتو الناس من تما وكريم طلع خالته معنقها وهو باغي يشوف غير ياقوت لي مخشية بلاصتها كطيب النعاس ديالها سمعاتهم ودارت موتة حمار احسن ما تاكل شي قتلة وهي غاديا غدا للسطاج اما ابراهيم تابعهم من اللور حاقد ما كرهش يقتلهم
ابراهيم ملي دخلو للدار ما لقا ما يقول جرها من يديها ناطرها: فييين الدراااري ااا بنت الكلااااب
قربات منه كتكالمي فيه وصيفطات كريم غير بعينيها لي سمع هضرتها ودردب مع الدروج مشا فحاله وهي ضارت عنده كتفتف
مينة: صاافي ااا سيدي ابراااهيييم رااه نعسو وما قدييتش نفيقهم
جرها للبيت من شعرها وهو كيغوت ويكشكش: اااا بنت الكلاب حاااطة عليا العسة فالباب شكوون قاليك جييت وشكوون قال للكلبة امك خرجي من الدار ااصلا بعداا
من بعد الدفعة جات مصلية فالارض وضرب ليها راسها مع القنت ديال الفوتوي لي قدام السرير حتى سال الدم من جبينها عاود وقفها شانق عليها بقا عليها بالتصرفيق حتى حناكها ولا الدم غادي يدفق منهم حرك يديه لعنقها قجها حتى عينيها خرجو وولات كلها حمرة كتكح وترجاه غير بعينيها حيت الصوت ما بقاش ولكن لا حياة لمن تنادي السيد مغيب
ما فاق غير ملي بانو ليه شفايفها حمارو وكيرعدو كيقفقفو برزطوه وثاروه الشيء لي خلاه يطير عليهم ويخفف من قبضته على عنقها كيبوس ويجر مضارب غير بوحده حتى بدات كضرب فصدره حيت الخنقة باش كتحس ما يمكنش بعد من فمها وداز لعنقها وهو كيطير فالحوايج بحال شي جاهل طيرهم بياسة ببياسة كل حاجة لاحها فقنت ورماها فوق السرير زبطة وتلاح عليها
ماشي زوج لا حيوان كيشرشم الفريسة دياله وهي تحت منه لا حول لها ولا قوة بقا عليها هاك بلاك ما ناض حتى وصل للمبتغى دياله وطلق صهيل بحال ديال شي عود برgي وناض من عليها من بعد ما طلق فوجهها جوج تمرميقات اخرين نيشان مشا للدوش
تبعاته هي بعينيها لي نايمين والدموع هابطين كيعاملها بحال شي عاهرة بحال شي شياطة ما عمرها حسات براسها مزوجة من نهار عقلات على راسها وهي عايشة معاه فالعذاب ولكن القلب لي دارها ليها والحب ديالها لي خرج عليها وزيد عليها الجهل وقلة الوعي والوالدين حتى هما
ملي كيكون الاساس فاسد بلا ما تسنى شي حاجة من الفروع عرف بلي راه كلشي فاسد وهذا حال مينة بقات مكمشة بلاصتها ملي بان ليها خارج غمضات عينيها الباكيين لا يجي يكمل عليها حتى حسات بيه تخشا بلاصته عاد حلاتهم ثاني كتنهد اما هو طيحة وحدة ايوة شنو الحلوى وضربها الدوش وترخاو عليه عظامه ما بحالو حد غير القايد

الفجر بحال الى اذن ليها فعينيها فاقت عيانة حيت ما نعساتش مزيان بقات خايفة واخا جات مينة ناضت مسلتة ومشات للدوش قضات حاجتها لقات لالة خيتي(ليغيكل)جاتها خرجات من تما ونيشان للبيت ديالها ضربات طلة على الحوايج ديالها مرة اخرى مشات عمرات اتاي وحطات اتاي وخبيز حيت عارفة راسها تقدر ما تاكلش حتى تجي فيضات حتى الحليب باش تديرو فالتيرموس ديالها وتديه معاها مع نيسكافيه ودارت حتى شوية ديال اللوز فبواطة صغيرة
ناضت لبسات حوايجها جات زوينة بزاف التريكو الرمادي خشاته فالسروال الغرونة جا مفخفخ فوق ديك الصمطة لي كتبان كبيرة خدات تقيشرات بويض ولبسات البوط جديد فرحانة بيه بزاف طلقات شعرها البني ولي فيه خصلات ذهبيين كتبان بحال الى دايرة لي ميش كما سبق قلت شعرها لي كضورو باتشا ديما جاها زوين صايبات وجهها بماكياج بسيط وخفيف هزات الصاك ديالها من بعد ما شافت الوقت وصل لي دارت مع صحاب الطرونسبور لي غادي يجيو ليها فهاد الوقت هزات اللوازم ديالها وخرجات كتمشى فرحانة
واقفة جنب البلاكة كتهبط تصوط على يديها باش يدفاو وتهز راسها طل على الطريق تشوف واش جاي الميني بيس 🚍🚍 ديال الشركة ما كاملاش عشر دقائق باش وقفات بان ليها جاي وباينة هي الاخيرة غادي يبقا يهز من الموظفين تبسمات بلا ما تبين فرحانة بيومها الاول وكطلب ربي يدوز مزيان حبس الطرونسبور وطلعات لقات السلام شدات بلاصتها
البلاصة لي بقات مقابلة للباب كلشي كيهرب منها حيت كدخل البرد وهما كاين لي كيكمل نعاسه فالطرونسبور دارت الكيت فودنيها وبقات كتصنط للشرح ديال واحد المادة وفيها بزاف ديال التقنيات لي كيخص يكونو عندها فالخدمة ما كضيع حتى دقيقة من وقتها حيت ما كاينش لي غادي يوقف معاها من غير راسها
بداو كيهبطو الناس ملي وصلو امام الباب الخلفي للشركة ولي منه كيدخلو الموضفين تبعاتهم حتى هي متجنبة الكل حيت ما عارفة حتى شي حد هنا دخلات لقلب الشركة واخا تلفات فالاول حيت الباب الخلفي هذا ماشي مناش دخلات اليوم الاول وصلات واخيرا لعند نفس البنت لي جات عندها النهار الاول وتصرفات معاها خايب وبعنصرية ها هي واقفة قدامها دبا باستقامة وابتسامة
ياقوت تبسمات فوجه البنت لي مزال ما حاملاهاش" السلام عليكم انا ياقوت الراضي سطاجير جديدة
ميقات البنت ما حاملاش راسها هزات خنافرها للسماء" سيري جلسي حتى نعيط عليك
ما عاوداتش معاها الهضرة مشات جلسات بكل برود حطات لا جوندا فوق الكرسي لي جنبها ودارت فوق منها الصاك ديالها رجعات الشعر من ورا ودنيها حركات بساط منها مخليين انظار مجموعة من الموظفين والموظفات عليها متبعينها حتى من الغيسيبسيونيست لي مخنزرة فيها وكتبركم غير بوحدها ما دخلاتش ليها هاد ياقوت لخاطرها أو شي حاجة ما هياش تما

فاق بكري حتى هو هذا هو وقته لبس سروال كيطمة وتيشورت رماديين وجيلي ازرق غامق اللون بالقب مع سبرديلة فنفس اللون ديال جيلي لي شافو يقول اش هاد الغلض كله ولكن السيد كما قلت راه بحال ابطال كمال الاجسام طويل وعريض الحمد لله كيدخلو الباب ولا يمكن الابواب ديالهم فالدار كبار
هبط كان الحس قليل غير المساعدات لي فالكوزينة ولي كارد لي فالباب ديال الفيلا فقط هما لي فايقين خرج غير للجردة الخلفية واتجاه الفيرمة لي بعيدة بامتار قليلة من الفيلا مشا كيجري فديك الطوالة ويدير حركات رياضية وسط دوك الروائح ديال الطبيعة الخلابة بقا كيتريني مدة ديال ساعة تقريبا دار لي زيتيرمون وضار راجع للدار ثاني بجرية خفيفة لقا الطبلة ديال الفطور محطوطة مشا قصد كاس ديال عصير الفواكه باينة موجدينو ليه جلس فوق الكرسي وشربو بشوية عليه جغمة جغمة وقصد البيت دياله
مع الدخلة حل السنسلة ديال جيلي رماه فالسلة ديال الحوايج ايوة يا خوتي طير داك التيشورت وبان خير ربي لي زابدومينال مستفين وحدة فوق وحدة معبورين بالميليمتر وكيبانو هكاك تحسبيهم ما تحشميش صدره فيه زغب تقول شي مهندس لي مقادو بطريقة مضبوطة ومثيرة كتافو كل واحد تبارك الرحمان اما ليبرا ما نهضروش عليهم دقة وحدة تنعس بنادم عامين ويفيق ويبقى منقطع على العالم الخارجي عضلات البايسبس ملي كيهز وحدة من يديه كيتنفخو دراوعو دليل على صحته وقوته يديه كان فيهم شعر كثيف نوعا ما بالحق غير حد المرفقين ما بغاش يرحمنا ونزل حتى داك السروال بقا غير بالبوكسر بانو رجليه لي مكتسيهم حتى هما الزغب ولكن قليل لي مولي كانو مفركعين وحتى عضلات الفخض لي مشنقين وصحاح
جمع الحوايج الموسخين فالسلة ومشا للحمام خدا دوش صباحي وخرج لبس ملابس رسمية كلشي فالاسود وملي كنقول كلشي يعني كل شيء مشا لواحد الجهة من دريسينغ لي عامرة غير بالسلاهم نصف منهم كلهم الوان غامقة والنصف الثاني منهم كلهم بالاسود هز منهم واحد ورماه على كتافه وتم هابط راسم ابتسامة صغيرة ما بايناش كاع بمجرد ما سمع كلامهم
ح.زينب كانت مبتسمة وهي كتوجد ليه طبسيله بيديها: هو راه ما يبغي كاع الزيوتات اانحط ليه الفروماج وديك الحلوى ديال السميدة اا بنتي اريها معااك الله يرضي عليك
ح. يونس: اا زنوووبة يهديك الله جلسي غير بشوية عليك هو راه غادي ياكل لي باغي
سكتو بجوج ملي سمعو خطواته كيقربو وضارو بجوج كيشوفو فيه باعجاب ح. زينب طارت لعنده بابتسامة وهو فتح ليها الحضن العريض دياله خشاها فيه ولات كتبان بحال القملة رغم كونها حتى هي مبطبطة ولكن مقارنة بيه هو لي تبارك الله راه كتبان والو خلاها وسط الحضن دياله حتى قنعات وبعدات كتشوف فيه بعيون متلئلئة هبط قبل بين حواجبها وعينيها غمضات عويناتها اثر القبلة دياله الحنونة واللحية دياله لي كان ملمسها على جبينها بحال الحرير
هلال بابتسامة عريضة وهو كيقرب من الحاج وضام عنده زينب: صباااح الخير الحاااج كييف صبحتي
ح يونس: بشوووفتك اا الحبيب بخير

              💞💎💞💎💞💎💞💎💞💎💞💎💞💎💞
عفاك ااا هلال دور بوس البنات وحدة وحدة وعنقهم الله يرضي عليك يالاه يالاه اا ولدي
#بونوي😘😘