💞💎ياقوت💎💞 ( مكتملة )

الجزء 63

                                   🌛 شمس الغريب 🌜

                                  💞 💎 ياقوت 💎 💞 
                                       

وهما قراب من المكان لي حاطين فيه الطموبيل تسمع ديماراج ديال سيارتين من الحجم الكبير جايين بسرعة خيالية لكن ما داوهاش فيه كيصحاب ليهم غير الشباب ديال هاد الوقت لي الله يهديهم عزيز عليهم هاد النوع من السيارات جات شروق اتجاه ياقوت كتقاد ليها الvوال على راسها وكضحك هي وياها
شروق بابتسامة حنونة: اييه ياا ختي تبارك الله جيتي تهبلي وأخيرا غادي تعيشي مع شي حد لي يستاهلك
ياقوت شدات ليها فيديها: بغيتي تقولي بلي أخيرا غادي تهناي مني
شروق قلبات عينيها: أنا ما غاديش تهناي مني أنا خايفة غير لا زين السمية سي هلال يمنعني منك اا ختي
ياقوت ضحكات عليها: لا ويلي هلال ما يديرهاش
خديجة بغات دخل فالحوار حيت ولات حتى هي معجبة بهاد العلاقات النقاية لي عند ياقوت مع هاد الناس وبغات حتى هي يكونو دايرين بيها ناس بحال الناس لي دايرين باختها
خديجة: ولكن الحمد لله بعدا راه رجالكم صحاااب حتى إلى ما بغاوش يخليوكم تلاقاو لاقيوهم وسيرو معاهم
شروق غمزاتها: يااك اا ختي ونتي لي بغيتي تبعدي علينا اا ختي ومشيتي لسي نعمان بالحق حتى هو يولي اا ختي صاحب الدراري
عنقات ناهدة خديجة من الخلف: خصوصا مع عثماااااان
باقي كيتناقشو حدا ديك الطموبيل كل جوج من قنت ياقوت وشروق من جهة الشانطي وخديجة وناهدة وتيتريت على الرصيف حتى تسمعات غوتة ديال شخص آخر كان شاب دايز من الطريق عادي بحال جميع المارة حتى بان ليه الأمر ماشي عادي
الشاب بغوتة خلات كلشي يدور يشوف: عنداااااااااااااكم
ومباشرة تسمع صوت ارتطام لي خلى قلوب عباد الله لي تما يوقفو بااااااااااااااااق ومن وراه غوتة ديال خديجة وناهدة
******       ******      ******        ******        ******       ******
كانو جالسين وبدا كيبان ليهم القلق لي كان صافي بدا كيبان عليهم حتى دخلو ثاني فاضمة ومريم ومعولين يقولو ليهم الخبر لكن وقفهم صوت مصعب مرة ثانية كان كيصحاب ليه بلي عثمان غير كيتفلى عليه وصافي لكن ملي كتب ليس بلي المسألة عاجلة
مصعب: وي عثمان ياك لباس
صدمه بالخبر لدرجة مصعب وقف مرعوب وحتى هلال وقف تابعه خايف مخليين البقية ما فاهمين والو أو غير البعض لي ما فاهم والو أما البعض الآخر تزادتهم خلعة فوق الثانية شكو أنه المسألة كتعلق بيهم لكن مع حل الباب مصعب غادي يخرج تفاجئ بالبنات قدامه مقادين ومزيزين عادي بحال إلى ما وقع والو ليهم أو ما فراسهم والو لا وزادت كملات شروق عليه لي طلقات حلاقمها عليهم بادية للبنات
شروق: الصلاة والسلام على رسووول الله لا جاه إلا جاه سييييدنا محمد الله مع الجاه العالي لووووولوووولوووووووووي
عاوداتها هي وياهم شي ثلاثة المرات وتعاود تزغرت ثاني ومصعب كيزيد يخرج عينيه واش خوه بغا يتفلى عليه ولا نوار ما عرفاتهمش فين كانو بغاها غير تشوف فيه باش يستفسر
جات مريم وفاضمة كيقرصو فياقوت وجلسوها بين هلال وح.زينب لي شداتها منهم مبتاسمة كتفكها منها عند بالها دارو ليها بحال هكاك غير حيت تعطلات أما هلال ما كرهش ينوض يحيح عليهم علاش يقرصوها حتى حد ما عنده داك الحق هو براسه ما خاصوش يقيس شعرة منها بالاذية لأنها جوهرة تستحق المحافظة عليها
هلال ملي جلسات حداه قرب منها هامس: جيتي كتهبلي بالحق علاش هاد التعطيلة
ياقوت لي كانت باينة عليها الخلعة لي ما عرفوهاش منهاش والصدمة وزاد كمل عليها هلال بالغزل دياله والسؤال