🌛 رمضان كريم 🌜
💞 💎 ياقوت 💎 💞
مينة: يالاه ا إبراهيم جاوب جاااوب
خرجات لسيجور كتسناه فالشرجم والو ماشي هادي اول مرة يبات برة الدار فيما يتناقشو كيخرج يهز طوموبيلتو ويخليها تبكي منوراه تعيط ويقطع عليها ولا يطفي تيلي وملي يجي ما عندهاش الحق تسولو فين بات لا كيخص يلقاها مقادة لابسة مريحة لا وتخليه يعيش ليلة حمراء تكون مختلفة على لي قبلها وملي يقضي غراضو كيهين انوثتها وبلي بلدية وماكاتمتعوش وبلي هو غير صابر عليها داكشي علاش ديما كتلقاها هي متبعة الموضة واخا ماكتعرفش ولكن كتحاول تلبس مزيان الماكياج ديما لدرجة ولادها ما عارفينش ملامحها الحقيقيين وشعرها آخر القصات فيه ديما ولكن لا حياة لمن تنادي غايهينها بقات على حالها حتى صبح الصباح
أما عند ياقوت لي فاقت مع 5 دصباح كتحس برأسها ضارها وعضامها كاملين كيزدحو حاولات عدة مرات توقف وأخيرا نجحات ضربها الضوء فكرشها فور وقوفها غمضات عينيها وصبرات غير حلاتهم تصدمات بحالة الفراش وحوايجها لي كلهم دمايات زربات حيدات لكوفرلي حمدات الله ملي ما وصلش المضربة مشات للبلاكار هزات بيجامة أخرى ولاتروس ومشات للدوش ما رداتش البال لمينة وحتى الأخرى ما شافتهاش وما سمعاتهاش ملي بدات دوش أما ياقوت غير دخلات بدأت كتكب عليها ماء سخون باش يالاه دفا واخا كتعgر ولكن صابرة كملات دوشها بزز ولبسات حوايجها تما عاد مشات لبيتها شافت رأسها فالمراية بأن ليها وجهها صفر وgاع وجهها ضرابي أما لحمها شافتو فالدوش وديك الصمطة جاتها الضربة قرب المنطقة الحساسة ونازلة مع الفخض بالزربة هزات الباربة سلقاتها لقات شوية سنيدة دردراتها عليها هزات العشاء لي جابت معاها البارح سخناتو حيت حاسة برأسها غاطيح دبا غير كملات كلات الباربة ووقفات تاني
هزات تيلي ديالها لقات نيم ديال فاتي فالgروب ديال قسمهم خداتها وصيفطات ليها ميساج فالواتساب ملي مجاوباتهاش صونات وقطعات باش تفيقها وتسناتها تقرأ الميساج
ياقوت💬: سلام فاتي انا ياقوت بغيتك عفاك تعطيني عنوان خالتك
فاتي💬: هادشي لاش مفيقاني هاهي ********** وديري شي فضيحة
مجاوباتهاش ياقوت مشات لبسات جلابة خزية سخونة مخزانية مخيطة بالموطارد مع بوط طالع فالقهوي وصاك فنفس اللون هزات شال غليض فيه بزاف الألوان لواتو عليها هزات معاها داك الفراش وخرجات سدات بيتها دازت على أمها لي شافتها خارجة كتعرج وملامحها gاع مخسرين ولكن عادي ما حسات بحتى ذنب كن كان عندها جهد كون زادتها قتلة هاد صباح حيت خارجة بلا ماتوجد الفطور ليهم اما ياقوت طلعات داك الكوفرلي للسطاح رقداتو فالماء وتيد وجافيل عاد هبطات مع الدروج مشات عكس طريقها و2 عيون مراقبينها
💞💎💞💎💞💎💞💎💞💎💞💎💞💎💞
الله الله ليك الله اا ياقوت
YOU ARE READING
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
