💞💎ياقوت💎💞 ( مكتملة )

الجزء 52

                                    🌛 شمس الغريب 🌜

                                   💞 💎 ياقوت 💎 💞 
                                          

مع خرجو من ديك القهوة كانت دايخة اليوم عطاوها كارو زايد على ديك الشيشة تقلب ليها المجاج والدخان قهرها خلى نفسها تخنق فيها وقفات هي ومروة فالباب كتسنى معها كما العادة طاكسي وقابطة فيها حيت كانت كتمشي وتجي
مروة: تفو على مرض الله ينعل مووك الله ينعل دين مي فهاد النهار أنا لي كيصحاب ليا نتي زعما يعول عليك الواحد
بقات كتمشي وتجي بلاصتها حتى تلوات ليها رجليها كانت غادي طيح لوكان ما قبطاتها شي يد وسنداتها حتى شدات التوازن بغات تبعد لكن كانت مزيرة عاد بدات كترخى بشوية بشوية أما مروة كانت مبلقة عينيها مصدومة
قلبات مروة عينيها كتحاول تجبد انوثتها كاملة تحطها قدامه: شكرا بزاف حيت عاونتي صاحبتي شحال كنصحو فيها باش تبعد من البلاوي الخايبين وهي الله يسستر راسها قاصح
خديجة واخا ملوية إلا أنها مستوعبة: كيفاااش ااشم
قرصاتها مروة مسكتاها: احمم هي مسكينة عندها ظروف راك عارف كثرة التصاحيب (مدات يديها) أنا مروة وأنت
خلاها بلاكة دار نظاراته الشمسية ومشا وخلاهم تما ركب السيارة دياله لي كانت من نوع كليو وزاد خلفة مخليهم تما مروة دايبة وخديجة تنترات منها هي لي فيقاتها معصبة لأقصى الحدود
بدات كتجعوق خديجة معصبة: كيفاش رضيتيني ما مزياناش قدام السيد يااك اا لالة غير بان ليك السيد ونتي تحلي ليه ونكرتيني أنا لي صاحبتك
صبعات ليها مروة: واا صاافي تاا نتي قلنا ليك كلمة نوضتي لينا الروعة
مشات وخلاتها تما بديك الدوخة وبلي فيها يالاه جات تشد طاكسي وقفات قدامها نفس الكليو لي مشا بيها الشخص بقات مصمرة فيه
هبط الزاج وبنبرة أمر: طلعي
ضحكات باستهزاء: انت لي بقيتي ليا صافي
قلب عينيه قدام الطريق: إلى مشيتي بهاد الحالة لشي بلاصة غادي يغتاصبوك بحوايجك
غير قال ديك الهضرة حلات الباب اللور وطلعات بقا هو مصدوم وحتى العينين لي شافوها بقاو مصدومين من شنو شافو أما هو ضحك حتى تقبو حنيكاته
الشخص: اييه أنا شيفور عند باااك اانااا
*** ***      *** ***      *** ***      *** ***      *** ***      *** ***
مرمية فوق السرير شعرها الحريري مطلوق فوق المخدة وعينيها جاراهم بالكحل واخا القتلة لي كلات لكن كلام نرجس كما العادة طفا نارها وحسات بلي قلبها عليها وباغيا ليها غير الخير ونيت شادة معها الهضرة فميساجات حتى وصلها إشعار كان مايل من الشركة وغير دخلات تصدمات بالمحتوى ديالها ولي هو (" الطرد ") جات واقفة بالصدمة لبسات مشايتها وجرات للصالون
مع دخلات للصالون مع طلقات دموعها والباب ديال الدار تحل غوتات: شووفتي اا باا هاا هووماا جرااو عليا من الخدمة وكله بسباااب يااااقووووت ااااا هءهءهءههء
ح.رقية ناضت كتمسد على شعر بنتها: قل أعوذ برب الفلق قل أعوذ برب الفلق
ح.عبد الجليل: الله اا بنتي الله اش دارت ليك هاد ياقوت لوكان كانت يدها طويلة ما تبقاش تحت صباط باها
ما رضوش البال ل إدريس لي لاح الصاك فالأرض وبقا كيشوف مصدوم أخته لي كتبكي وتنحط والهضرة لي قالت نرجس قبل ووالديه لي ما جاوش فصف بنتهم وكيقولو غير سوء تفاهم
دخل جر أخته لحضنه: ااش اا الواليد اش يدها طويلة ما نساش الفيديو لي شفت فيه ختي كتاكل العصا
الوالدين بجوج بصدمة: كتاكل العصا
بدات شيماء كدور عينيها وسط الحضن دياله: ما بغيتش نقولها ليكم باش ما يكبرش الموضوع
ح.رقية خرجات عينيها: شكون ضربك اويل الشيطان حنا ناس كنمشيو تحت الحيط اش جابنا لهادشي
نسات هي اش دارت وعجبها دور الضحية: ايه اا مي ضرباتني قدام الشركة وأنا ما قدرت حتى ندافع على راسي حتى من نرجس شاهدة وكانت تما كانت باغيا تعاونني ولكن ما قدراتش ... (الكذبة لي قالت ليها نرجس طلقاتها والرحيم الله)