🌛 رمضان كريم 🌜
💞 💎 ياقوت 💎 💞
وصلات للوجهة ديالها باقي بالكسوى وكلشي جبدات تيلي ودخلات للكونط ديال السيد فانستاغرام "حكيم بلوي" لي بدات بيناتهم الهضرة من بعد يومين ملي جات مع ياقوت بقات كطلع فيها وتهبط ديك كيتفلى على البنات قلبات عليه وعلى ضحاياه ولات من المتابعات دياله كان باين عليه حاس براسه وعندهم شوية الفلوس مزيغينو مع طلعات عنده بلي متابعاه بادلها نفس الشيء وولا هو لي كيتفاعل مع الصور لي كتلوح ولي كانت كتنشر فيهم الجمال ديالها قاصداه هو بالذات حتى صيفط ليها ميساج وبدات كتهضر معاه عادي وملي عرض عليها يتلاقاو ما رفضاتش وقالت ليه غادي تجي تشوفو غير فالباب اليوم وترجع حيت عندها حفل ديل صاحبتها
وقفات اللوطو ديالها امام الاقامة وصيفطات ليه ميساج فانستا محتواه "انا لتحت اا حكييم نزل نشوفك بالزربة غادي نمشي" ما عطلهاش دقائق بان ليها لابس مزيان وروايحه معطعطة ناوي يطيحها زعما حلات الباب ديال اللوطو ونزلات وهو حل فمه ما ظنهاش لباس عليها لهاد الدرجة هو كيتفلى غير على لي ناقصهم حنان ولا ناقصاهم المادة(الفلوس) اسهل الضحايا بالنسبة ليه لكن هادي ما طاحتش على البال جايباها مال وجمال
شيرات ليه شروق بيديها: اوووه حكييييم صاافااا لباااس عليك (مطات فمها) مالك واقف بعيد سربي راه ما عنديش الوقت بالزاف
الدنيا كانت مقطوعة تما كلشي داخل للدار دياله مهنيين الوقت واقفة غير هي وياه والشخص لي مراقب الوضع وواحد الهوندا ملي جات وهي واقفة تما حكيم مسكين فاق من التضهشيرة وفرح بالهوتة لي جات حتى لبين يديه بلا ما يعيط عليها مع قرب ليها ناوي سيلم عليها بلا بيز مع تسمع باب تحل دارو بجوج مفزوعين
****** ****** ****** ****** ****** ******
عطا محمد الكلمة دياله ودارو الاجراءات الاعتيادية وهبط كيقلب على بنته والو ما كيناش بانت ليه ياقوت مشا يسولها هي لي غادي تكون عارفة فين مشات
غيثة خنزرات فيها وشافت ف عثمان بطفولية: هاا انت شوووف هاديك باينة شي جسوووسة شوف شكون كتعرف هاا الادريسي هاا الرايس علم الله شنو كتعرف مزال
عثمان بنفس نصف الابتسامة لي على شفايفه ديما: دبا واش هادي غيرة كاااملة اتجاه ياقوت
خنزرات فيه غيثة مغوبشة: واااش انت من نيتك اا اانااا كااملة نغير من هاااديك وااش انت حمق
عثمان حرك يديه بمعنى بلا ما تهتمي: واالو ما قلت والو غير سمحي لينا اا غيثووث غير هو ياقوت ماشي من داك النوع راني قلبت من وراها غير ارتاحي
بفضول واضح عليها: شنوو عرفتي اا عثماان همم غير قوول ليا
****** ****** ****** ****** ****** ******
محمد بتساؤل: بنتي ياقوت واش ما بانتش ليك شروق
ياقوت اصلا كانت كتقلب عليها: لا اا عمي الصراحة ما شفتهاش انا براسي كنت كنقلب عليها
بداو كيقلبو عليها بجوج بيهم من بعد ما استاذنو من ح.يونس وح.زينب
KAMU SEDANG MEMBACA
💞💎ياقوت💎💞 ( مكتملة )
Romansaالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
