السلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜
رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
نرجعو عند ياقوت لي وصلات لقدام شركة بابات شروق ووقفات كتسناها حتى بانت ليها شروق جاية عندها زربانة كدير فالخطوة 2 وفجوج 3 شروق: علاش ا ختي ما بغيتيش طلعي عندي راه البرد ا صاحبتي زيدي نجلسو غير فالكافيتيريا لي هنا لتحت ياقوت وهي غاديا معاها: مالك اختي ما عندك ما تلبسي حتى جايا هاكا شروق: دبا تسبي ليا العروق وهانيا والله ايتا هانيا كيما قال داك دري غير عاودي ليا ملي قلتي ليا عندك ليا شي موضوع مخي وقف ا ختي وقف ياقوت: مشيت كندفع لي cvراك عارفة ايوة كلشي نفس الهضرة........(عاودات ليها) شروق: نووو وااي شركة رمزي فراسك بابا دبا فاش دار الاجتماع قاليك بين دوك 6 شركات اللولين نايضة الحراقية وشركة رمزي حالفة هاد العام حتى تربح هاد المناقصة ياقوت: باباك شركتو ا بنتي راه من دوك6 ايلا ما فراسكش وجمعي راسك وعاونيهم شروق: امممم عارفة غادي نعطيهم غير أفكاري مع الأسف الشديد ياقوت: وعصري مخك دبا قولي ليا اشنو ندير واش نسمح فخدمتي فالوزين شروق حضرات المعقول تقول ماشي هي ديك الحمقة: شوفي ا ياقوت واش نتي غادي تربطي حياتك بداك الوزين اه هو قبل عليك وعطاك شهرية لي كانت معاوناك على داركم وعلى قرايتك ولكن دبا نتي راه خريجة مدرسة التجارة والتسيير يعني هادي غادي تكون أول خطوة ليك برا الوزين نسايه بداي حياة جديدة بخدمة لي قريتي عليها ياقوت: واخا ولكن خاصني نمشي نعلمهم ونشكرهم شروق: اكيد تبغي نمشي معاك ياقوت: لا غير خليك ماشي نهار الأول نخرج عليك بالمناسبة جيتي غزالة شروق: يخليك ليلي ايوة واخا نزيانو مانجيوش قدامك يا لالة توادعو البنات مشات هاد المرة ياقوت مستاعنة بالbus وصلات الوزين خبراتهم باشنو كاين وودعاتهم بالبكا كلشي فرح ليها ولكن كلشي عرف بلي غادي تخلي بلاصتها هي الوحيدة لي كانت خدامة باش تقرأ وباش تخلص عائلتها كلهم كانو قصصهم مختلفة وحزينة ولكن قصتها هي كانت أكثر حزن وتضحية باش تغير واقعها رجعات ادراجها وهي الحزن باين فعيونها كان تيلي ديالها كيصوني ماسمعاتوش وصلات للحي سلمات على محماد وفاضمة ووليداتهم
🌛 رمضان كريم 🌜
توجهات لدارهم لقات أمها كتنgر مينة: هادشي غير وصيتك ا لعيفة عاد جاياني فاطمة من صباح وهي تصوني كل مرة واشمن كذبة نقولها سيري لبسي شي جلابة ولا شي حاجة مستورة وغسلي ديك الكمارة داك الشعر يتجمع اساااامة رضااااا ما غاديش نبقا نغوت لبس ا حسام طاgية ياقوت مشات بالزربة لبسات جلابتها الزيتية لي مشات بيها عند ح.زينب من بعد ما لبسات تحت منها بيجامة فايتة الركبة مع كولون ديالها بالبلو مارين سخانين لبسات نفس البوط البني ودارت كشكول على عنقها من بعد ما جمعات شعرها بطريقة عشوائية وغسلات وجهها خرجات لقات أمها واقفة كتقاد لخوتها السيور ديال احذيتهم مينة: غادي دوز علينا اسراء بطوموبيل يالله زيدو مع هبطو مع وقفات عليهم بنت كتشبه شوية لمينة السم كيقطر منها اسراء من بعد ما سلمات على خالتها ودراري وخلات ياقوت بلاكة: خالتي يالاه ماما تعطلتي عليها ملي مامسالياش كن قلتيها ليها تشوف وحدة أخرى مينة: ويلي على تشوف وحدة أخرى وهاد الحتروفة تبقا تأكل وتنعس شادة ليا الركنة ما كاين باس زيدي ا بنتي زيدي اسراء طريق كلها وهي خطيبي خطيبي شرا ليا جاب ليا عطا ليا ومينة كتقوليها نتي تستاهلي اصلا نتي بنت واعية قارية وياقوت كتحصر اللور على عائلتها لي كون غير اعتارفو بيها تهز رأسهم الفوق ولكن معامن هي وصلو واخيرا لدار خالتها لي مكانتش بعيدة بزاف على دارهم نزلو دراري كيتسابقو عزاز على خالتهم وحتى هي كيعزوها مينة هبطات هي وياقوت حتى كتوقفها اسراء اسراء: ياقوت أجي لهنا فين غادا هزي هادشي لي فالكوفر طلعيه وبشوية لا تهرسي شي حاجة نهرسك مشات طلعات هي ومينة لي عاجبها الحال ما داافعات على بنتها ما ضرها خاطرها عليها عادي جدا طلعات من وراهم للطبقة 3 فين كانت خالتها لي كانت طويلة وعامرة لابسة كولون اسود مع كابيتشو فالموv فونصي من الفوق سخانين شعرها لي فايت كتافها وصابغاه بالاصفر طالقاه وجهها دايرة ليه ماكياج خفيف لي جاها زوين لابسة مجوهرات خفاف بيتيين يالاه سالات من تعناق ولاد ختها بانت ليها مينة طارت عليها تعنق وتبوس فاطمة: يا ختي وشحال توحشتك مينة(حيدات الزيف لاحتو فقنت وجلابة فقنت بقات حتى هي بكولون وتريكو الفوق هابط ليها على مسعودة سخانين وشعرها طلقاتو وعاودات جمعاتو بقراصة):حولك كتجي عندي حنا فمدينة وحدة انا بعدا راني كانجي فاطمة: راك عارفة عباس مكيبغيش يخليني نجي ملي يكون إبراهيم
💞💎💞💎💞💎💞💎💞💎💞💎💞💎💞 يعني إبراهيم لي فيه الديفو كيفاش هاد ملي يكون إبراهيم عباس ما يخلينيش نجي
💞💎💞💎💞💎💞💎💞💎💞💎💞 قرار ياقوت غادي يكون صحيح ولا لا
Oops! This image does not follow our content guidelines. To continue publishing, please remove it or upload a different image.
