🌛 رمضان كريم 🌜
💞 💎 ياقوت 💎 💞
ابراهيم: بلعي فمك حسن ليك راه باقي رخيصة ما تسمى غالية حتى تورث حتى انا راه باغي خديجة بلحق حتى تموت عمتي اللهم خليها ليها حتى تورث دير فيها لي بغات ولا نتي طامعة غير فداك شوية الذهب لي لابسة دبا انا راه باغي الديور والماgازات
مينة: والله ايلا لابسة الذهب لي أنا أمها ما لابساهش لا وماسلماتش عليا
إبراهيم: غادي توسخيها حيدي عليا نوضي شوفي ديك الويلة تقاد الطبلة وتغبر
ناضت بلا عgز دقات على ياقوت فالبيت قالت ليها وجدي الطبلة وهاداك ماكان وجدات الطبلة ودخلات لبيتها دخلات معاها بصيطلة صغيرة غير دوك صغيورين لي كنصايبو فالgوتي ولا عشاء خفيف مهم كلاتها كخلاص على التعب لي تعبات اما هما دخلو فديك صالاد وديك البصطيلة طول وعرض
ح.زهرة:عندكم الزهر ياقوت كطيب مزيان اما نجيب لي تشقا وطيب ليا حتى هنا
إبراهيم: لواه ويلا ما كانت ياقوت مينة اش كدير
ح.زهرة: هادي اش غا تعرف هادي الله يهديك
مينة هازا خنافرها للسماء: راه انا لي علمتها واقيلة ااا لحااااجة (طولاتها)
ح.زهرة ميقات فيها: علمتيها تجفف وتخمل اما طياب تعالماتو ملي كنتي تصيفطيها تخدم فديور وهي يالاه دارت 12 عام(بلعاني زهرة قالت هاكا قدام خديجة باش تعرف رأسها كون بقات معاهم اش كان غادي يطرا كل مرة كتجي هنا كتصدم بشي حاجة)
خديجة مصدومة مامتيقاش: واش بصح نتوما(كتفتتف)يعني صيفطتوها تخدم صغيرة
إبراهيم:ايييه ا خديجة ولكن هي تزادت مصخوطة من كرش أمها خارجة صgعة
ح.زهرة محمرة فيه عينيها زعما بلا متقول شي حاجة ندمك عليها خديجة تسدات ليها الشهية لا هيا لا مينة لي كتفقصها زهرة اما إبراهيم كيحاول يضبط أعصابو عمتو بالنسبة ليه كتبقى هي داك الكنز لي كيحلب منو الفلوس مينة بالفقصة لي تفقصات جمعات الطبلة رأسها اما ياقوت مضاربة مع كتوبتها وحفاظتها حتى كتسمع الباب كيدق بشوية
💞💎💞💎💞💎💞💎💞💎💞💎💞
واا هي العاداو كيجاوكم تصرفات زهرة
شكون كيد على ياقوت وعلاش بالسلامة
وشنو ما بغاتش زهرة إبراهيم يقول وعلاش قال بلي ياقوت تزادت مصخوطة
YOU ARE READING
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
