🌛 رمضان كريم 🌜
💞 💎 ياقوت 💎 💞
هزات تيلي تصوني على إبراهيم والو ما جاوبهاش عاقت بيه ما غاديش يجي ومشات قصدات البيت دقات عليها وخرجات طلات عليها لقاتها واقفة شادة نصها وكتشوف فيها بتخنزيرة كيبان ليها فهاد اللحظة غير إبراهيم والمعاملة باش عاملها اليوم
مينة كتغوت وترطى غير بوحدها: شوووفي اا لالة غادي تهزي دوك جوج شرويطات لي عندك وغادي تخرجي عليا من داري (ياقوت بقات مترعة فمها بصدمة) كتافك ولاو كباااار من كتافي لا راجل مقاد لا خدمة مقادة لا زين لا مجي بكري رااك ماشي بقرة كنعلف فيك للعيد انا (شيرات بصبعها للباب) خررررجي عليا
ياقوت هبطو جوج ديال الدمعات وفقط بحال الى هما لي بقاو: ولكن اا ماما ...
قاطعاتها مينة بتصرفيقة للفم دلقماتها: مااا تقووليش ليا ماما سمعتي مااشي مووك انا نووضي خرجي عليا نوضي سيري بحاالك
بترجي ياقوت فنبرتها: عااافاااك الله يرحم ليك الوالدين خليني غير حتى للصباح ونمشي فحالي نتي عارفة الليل دبا وكاين غير الشماكرية
جرتها ورماتها فوق السرير: نوضي جمعي قشك ولا نرميك نتي وياه برااا نوووضي يااا ***** نووضي جمعي خراك وخرجي عليا نوووضي ااا بنت الكلاب نووضي مقابلاك نتي وجنابتك والهضرة علينا
ياقوت الصدمة خلاتها فاشلة ماقدراتش حتى توقف واش لهاد الدرجة جراتها مينة كضرب وتخبط وخوتها فالباب كيشوفو فيها كتاكل العصا ثاني بدون سبب سلخاتها نيت سلخة ديال الكلاب ووقفات كتنهج مبعدة كتدور فعينيها قصدات دوك الماعن كتهز وتخبط وكيجيوها فبالها غير الذكريات ديال سوء التعامل لي كانت كتعرض ليه من طرف إبراهيم بسباب لي وقع والماضي وفنظرها إلى جرات على ياقوت الماضي غادي يتمحى ويتنسى وتبقى عايشة بخير
بقات كتشخشخ ما كتقشعش نهائيا والو حتى كملات ودارت ليها بانت ليها كتجمع حوايجها مشات كتزرب كتهز ودكس ليها فالصاك ديال الشمال وهزات صبابط كتخشيهم ليها مع الحوايج حتى ضربات على صندوقة كاينة فالبلاكار مشات ليها طايرة حلاتها بانو ليها الفلوس جبداتهم حسبات لقات 100 الف ريال خرجات عينيها ودارت ليها
مينة بالغوات معصبة: يااااك ااا بنت الهم يااا بنت الكلبة (طيرات منهم 80 الف ريال ورمات عليها 20 الف ريال بالنترة وزادت كتخشي ليها فلي بقا) ايهاااااي اا لالة الفلوووس ديال ******* موجودين خووورجي عليا
****** ****** ****** ****** ****** ******
كانت فالبيت مكسلة بالليل حتى سمعات المساعدة ديالهم فالدار نفخات وناضت معصبة حلات الباب بالنطرة وضرباتها بتخنزيرة
فاتي: اش بغيتي لاش مصدعاني
المساعدة بخوف: اا لالة سمحي ليا إلى برزطتك ااا لالة راه غير لالة نورة قالت ليا نعيط عليك
خرجات عينيها: مااامي اش بغات (جراتها شانقة عليها) اشنو واقع ياكما بابا معصب مني قولي كتجيبو غير خبار بحال كمامركم
المساعدة: لا ااااا لالة راه لالة عائشة لي جات عندكم
ما خلاتهاش تكمل طارت نازلة للتحت بانت ليها أمها وخالتها لي هي القدوة ديالها فالحياة طارت عليها معنقاها قول قاجاها كتبوس وتعاود تعنق وعينيها على الطابلة لي محطوطين فيه عرام ديال لي صاشي كل واحد ولا مارك لي فيها وغير وحدة تنسيك فالاخرى حلات فمها وملي كملات من خالتها طارت على دوك لي صاشي كتقلب فيهم والضحكة واصلة فين وفين
فاتي كضحك بحال البهلة: طاتي الحبييييييبة ديما كتجيبي ليا غير الفن اا حبيبتي
عائشة جراتها معنقاها: حبيبة خالتها الغزالة ديالي
حزنو ملامح فاتي ودبلات عويناتها: طاااتي باقي ما لقيتش سطاج وبغيت انا عندكم فالشركة ولكن ما جاوبونيش وهلال ما شافش حتى جيهتي ااا طاتي
أنت تقرأ
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
