🌛 شمس الغريب 🌜
💞 💎 ياقوت 💎 💞
حتى هما فبيتهم مع بعضياته: علاش ما جاوبتيش العائلة ملي قالو ليك ايمتى نفرحو بيكم حتى نتوما ولا كتخرجي فيا عينيك غير انا بلقات شروق عينيها" ياك انت فهمتيني وقبلتي بشنو قلت ليك ايييوة صافي هذا هو الفضل
جرها كثر ليه: ولكن راه نقدرو نديرو هادشي ونتي والدة
وقفات على ركابيها وسط الفراش: لا لا ماشي بحال بحال قالاك حيت ماشي انت لي غادي ترضع (شيرات لراسها) خصوصا وأنني باغيا ندير لولادي رضاعة طبيعية وماشي انت لي غاتسهر معهم أنا بغيت ملي نولد نخصص وقتي لوليدات
جرها من رجليها حتى جات مسطوحة على صدره: همممم فهمناك اا لالة فين بغيتي تسافري
شروق حركات صبعها بدوائر: ندورو غير فالمغرب
عنكش ليها شعرها: ايوة ناخدو واحد الشهر راحة نتسارا بيك المغرب كله والشهر الثاني تحملي فيه
خرجات عينيها: اويلي ااا مووووصعاااب حماقيتي عيب عليك انا راه باقيا باغيا نعيش انا وياك مع بعضياتنا شوية
لاعب ليها على أعصابها: علاش الى كانو الوليدات ديالنا غادي نتفارقو كل واحد يعيش بوحدو
ضرباته على صدره: فأحلامك غير المباتة اا سي مصعب المباتة هي اللخرة ما تكونش ليك الا حدايا
جرها من نيفها: هاديك قوليها ليك نتي ديك نبات عند ماما مع صاحبتي نسافر مع جارتي ما كايناش ديك الهضرة دوزي نهارك معاهم وعكوبتك لراجلك اا حبيبة الله يرضي عليك
كتغنج عليه وتبغج حالتها حالة: هممم صااافي هادي راه باينة
****** ****** ****** ****** ****** ****** *
معديين الوقت غير بالتيليفون ويتلاقاو مرة مرة طالما مزال ما ولات زوجته على سنة الله ورسوله ما قال تهنى من الامتحانات ديال الباك ولات السيدة ملاهية ليه مع الإستعداد للمباريات ديال الطب كيقلب ليها غير على سبة
عثمان: ااا زين ااا الفنون (كيحاول يقنعها) انا غادي غير نجي نجيبك من داركم لعند الواليدة باش تراجع معك داكشي ديالك
ناهدة عارفاه باغي يدير ليها شي بلان: مالي ما كنعرفش الطريق اصلا نجي غير على رجلي
دوز ليها الخط ديك الساعة مع جاوباته طرطق عليها: واااقيلة حماقيتي اا بنتي واش الدنيا مقطوعة ونتي باغيا تجي على رجليك باش يطيرك شي حد كوني تسمعي
خرجات عينيها: الى ما طيرتيني انت ما كاين لي يطيرني (بغات تفكره) اصلا فعايلك هااادو اا سي عثمان
تكا على المخدة فرحان: وافتخر ااا حبيبة (بترجي) ما تقلبيش ابيل فيديو نشوفك
بنفس الهدوء: اااا لااااا
عثمان ضحكاته وكيتخايلها وهي كتقولها: يااك وسمعي نقول ليك هاد جوج كلمات الفنيكيشة غدا مع 10 دصباح غادي نجي من وراك والى لقيتك مشيتي ولا ما بغيتيش تهبطي هضرة اخرى هاديك الساعة غادي تكون
ناهدة غوتات: واش حماقيتي واش دائما التهديدات
عثمان باستهزاء: حيت اا حبيبتي كون كنتي كتسمعي الهضرة بلا مشاكل كون راه بخير وعلى خير حنا بحال جميع الناس
BINABASA MO ANG
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
